მსოფლიო ჩემპიონატის საკვალიფიკაციო ეტაპზე ესპანეთის ნაკრებთან მოახლოებული მატჩის შესახებ საქართველოს ეროვნული გუნდის მთავარმა მწვრთნელმა, ვილი სანიოლმა პრესკონფერენციაზე ისაუბრა.
„ნაკრებში ძალიან კარგი ატმოსფეროა. ბოლო ორი დღეა ცუდი ამინდია, მაგრამ ეს ხელს არ გვიშლის.
რაც შეეხება ხვიჩა კვარაცხელიას, „პარი სენ-ჟერმენთან“ პირადად მქონდა კომუნიკაცია. მას ბოლო ორ მატჩში არ უთამაშია და ეს გადაწყვეტილება სრულად გამართლებული იყო. საერთო ჯამში, მისი ფიზიკური მდგომარეობით კმაყოფილი ვარ. იქნება თუ არა ის ძირითად შემადგენლობაში? თანამედროვე ფეხბურთში ტრავმები ჩვეულებრივი მოვლენაა, ამიტომ საბოლოო გადაწყვეტილებას ექიმების დასტურის შემდეგ ვიღებთ.
როგორც ფეხბურთის გულშემატკივარს, მსურს, ლამინ იამალი მალე დაბრუნდეს მოედანზე. მირჩევნია, როცა ძლიერი მოთამაშეები თამაშობენ – ფეხბურთისთვის ეს უკეთესია.
ესპანეთის ნაკრებში ბევრი ტრავმირებული ფეხბურთელია, თუმცა როცა ასეთი მაღალი დონის გუნდს ეთამაშები, ამაზე ნაკლებად უნდა იფიქრო – მათ თითოეულ პოზიციაზე რამდენიმე უმაღლესი კლასის მოთამაშე ჰყავთ“, – განაცხადა ვილი სანიოლმა.
ესპანეთისა და საქართველოს ნაკრებების მატჩი 11 ოქტომბერს, თბილისის დროით 22:45 საათზე დაიწყება, შეხვედრის პირდაპირ რეპორტაჟს პირველი არხი შემოგთავაზებთ.
⭕ ასევე დაგაინტერესებთ:
📸 როგორ აღნიშნა დათუნა მგელაძის მეუღლემ დაბადების დღე - კადრები წვეულებიდან
წყარო: 1tv.ge
