100 წელს მიღწეულ მოქალაქეთათვის ერთჯერადი დახმარების პროგრამა გრძელდება. ამის შესახებ თბილისის მერიის მიერ გამოქვეყნებულ 2026 წლის პროგრამაში ვკითხულობთ.
პროგრამა ითვალისწინებს ქ. თბილისში რეგისტრირებულ 100 წელს მიღწეულ ხანდაზმულთათვის ფინანსური დახმარების გაწევას.
ვინ არიან ქვეპროგრამის ბენეფიციარები?
ქალაქ თბილისში რეგისტრირებული საქართველოს მოქალაქეები, რომელთაც საბიუჯეტო წლის განმავლობაში შეუსრულდებათ 100 და მეტი წელი.
რას მოიცავს ქვეპროგრამა?
10 000 ლარის ოდენობის ფულადი დახმარება
როგორ უნდა მიიღოს პირმა ბენეფიტი?
ბენეფიტის მიღება ხორციელდება ქ. თბილისის მუნიციპალიტეტის მერიის ჯანმრთელობისა და სოციალური მომსახურების საქალაქო სამსახურისთვის განცხადებით მიმართვის საფუძველზე. თანხა დაირიცხება ბენეფიციარის საბანკო ანგარიშზე, მომსახურე ბანკიდან ("თიბისი ბანკი") პირის მიერ ანგარიშის გახსნის შესახებ ინფორმაციის მიღების შემდეგ.
პირები რომლებსაც 2025 წელს „100 წელს მიღწეულ მოქალაქეთათვის ერთჯერადი დახმარების“ ქვეპროგრამის ფარგლებში, პირად საბანკო ანგარიშზე დაერიცხათ ფულადი დახმარება, აღნიშნული ბენეფიციარებისათვის, სამსახურისადმი განცხადებით მიმართვა არ არის სავალდებულო.
როგორც თბილისის მერიაში განგვიცხადეს, პირი 10 000-ლარიან ფულად დახმარებას წელიწადში ერთხელ, ერთჯერადად მიიღებს. თუმცა, 101 ან მეტი წლის შესრულების შემთხვევაში, ყოველწლიურად, მას ისევ გადაეცემა 10 000-ლარიანი დახმარება. ამ შემთხვევაში, თბილისის მერიისათვის განცხადებით მიმართვა საჭირო აღარ არის.
რა დოკუმენტები უნდა წარმოადგინოს პირმა ?
პირადობის მოწმობის ასლი;სამოქალაქო რეესტრის სამსახურის მიერ გაცემული საინფორმაციო ბარათი (ბოლო 1 (ერთი) წლის განმავლობაში უწყვეტად თბილისში რეგისტრაციის თაობაზე).იძულებით გადაადგილებული პირების შემთხვევაში, დამატებით იძულებით გადაადგილებული პირის მოწმობის ასლი;დამატებითი ინფორმაციისათვის მიმართეთ თბილისის მერიას ცხელ ხაზზე: 032 272 22 22
⭕ ასევე დაგაინტერესებთ:
