ზურიკო დავითაშვილი საფრანგეთის ლიგა 2-ის სეზონის საუკეთესო მოთამაშეთა ნომინანტთა შორისაა - „სენტ-ეტიენის“ ქართველი შემტევის შესახებ ინფორმაციას საფრანგეთის პროფესიონალი ფეხბურთელების ეროვნული კავშირი (UNFP) ავრცელებს.
ორგანიზაციამ დაასახელა ხუთი მოთამაშე, რომლებიც ლიგა 2-ის ჯილდოსთვის იბრძოლებს.
ზურიკო დავითაშვილის (სენტ-ეტიენი) გარდა, ნომინირებულები არიან: მარტინ ადელინი (ტრუა), ენცო ბარდელი (დუნკერკი), ტაუფიკ ბენტაიები (ტრუა) და ჯოვანი ვერსინი (პაუ).
გამარჯვებული სეზონის დასრულების შემდეგ გამოვლინდება. შეგახსენებთ, რომ „მწვანეების“ შემტევმა ლიგა 2-ის მიმდინარე სეზონში მოასწრო 28 შეხვედრის ჩატარება, რომელშიც გაიტანა 13 ბურთი და გააკეთა 4 ასისტი. გამოსარჩევია ისიც, რომ რონელები ამ მომენტისთვის არიან მე-3 პოზიციაზე, რითაც საფრანგეთის უმაღლეს დივიზიონში გადმოსვლის შანსსაც ინარჩუნებენ.
25 წლის შემტევის გამარჯვების შემთხვევაში, ის შეუერთდება ჟერომ როთენს, იოან გუფრანს, სებასტიან რიბასს, ოლივიე ჟირუს, გიორგი მიქაუტაძესა და სხვა გამორჩეულ მოთამაშეებს, რომლებიც საფრანგეთის მე-2 დივიზიონში თავის დროზე საუკეთესოებად დაასახელეს.
Palette technique sans limite 🎨
— UNFP (@UNFP) April 30, 2026
Leur football, du grand art
M. ADELINE
E. BARDELI
T. BENTAYEB
Z. DAVITASHVILI
G. VERSINI
Les artistes de @Ligue2BKT, nommés au Trophée UNFP du Meilleur Joueur de la saison 👨🎨#TropheesUNFP pic.twitter.com/TNOrXvTRI4
⭕ აგრეთვე დაგაინტერესებთ:
