მომღერალ თიკა მახალდიანის დედა, თამუნა ანთელავა 4 წლის წინ აღდგომის დღესასწაულზე გარდაიცვალა. მისის სიცოცხლე ბრმა ტყვიამ იმსხვერპლა.
აღნიშნულთან დაკავშირებით მომღერალმა სოციალურ ქსელში პოსტი გამოაქვეყნა და გარდაცვლილ დედას ემოციური სიტყვები მიუძღვნა:
„უკვე 4 წელი გავიდა იმ ავბედითი დღიდან, როცა მოგისწრაფეს სიცოცხლე ჩემო ერთადერთო, დე.
ოხ, რამდენი რამის თქმა მინდა და თავს ვიკავებ. მე მჯერა, რომ მოვა დრო და ყველა პასუხს აგებს თავის დანაშაულზე“, - წერს თიკა მახალდიანი.
გავრცელებული ინფორმაციის თანახმად, სამართალდამცველი სიმონ გაბრიაძე არაფხიზელ მდგომარეობაში იმყოფებოდა, რა დროსაც სამსახურის იარაღიდან გაისროლა და ბრმა ტყვიამ საკუთარ სახლში ანთელავა იმსხვერპლა.
ბრალდებულს 8 წელი ჰქონდა მისჯილი, თუმცა მან პენიტენციურ დაწესებულებაში 1 წელი და 3 თვე გაატარა.
ახლა ის თავისუფალია.
აგრეთვე დაგაინტერესებთ:
⭕სააღდგომო კვერცხის შეღებვის 10 მეთოდი - სასარგებლო რჩევები დიასახლისებს
⭕საქართველოს ეროვნულმა არქივმა ფილმების ელექტრონული კინოკატალოგი შექმნა
