ქართველი ბლოგერი სოფია კვინიკაძე, რომელიც სამხრეთ კორეაში, კერძოდ, სეულში ცხოვრობს, პლუს საიზ მოდელია და რამდენიმე თვის წინ MALVIE Magazine-ის ყდაზე დაბეჭდეს, სხვა გოგონებთან ერთად.
აღნიშნული თემით დაინტერესდა „იმედის დღე“ და ერთ-ერთმა თანამშრომელმა ეკო ფანგანმა მასზე, სოფიასგან დამოუკიდებლად სიუჟეტი მოამზადა.
ამის შემდეგ ბლოგერმა ტელეკომპანია „იმედს“ საქართველოს ჟურნალისტური ეთიკის ქარტიაში უჩივლა, რაზედაც პასუხი ცოტა ხნის წინ გამოქვეყნდა.
„საქართველოს ჟურნალისტური ეთიკის ქარტიის საბჭოს განცხადებით მომართა სოფიო კვინიკაძემ, რომელიც მიიჩნევდა, რომ 2022 წლის 2 ნოემბერს ტელეკომპანია „იმედის” გადაცემაში „იმედის დღე” ჟურნალისტმა ეკო ფანგანმა დაარღვია საქართველოს ჟურნალისტური ეთიკის ქარტიის მე-7 და მე-10 პრინციპი.
საბჭომ მე-7 პრინციპი მიიჩნია დარღვეულად, მე-10 პრინციპის დარღვევა კი არ დაადგინა.
ფოტოები, რომლის გამოქვეყნებაზე განმცხადებელს ჰქონდა პრეტენზია, საჯაროდ არის გავრცელებული და მოპოვებულია საჯაროდ ხელმისაწვდომი წყაროებიდან, სოციალური ქსელიდან.
ყოველივე ზემოაღნიშნულიდან გამომდინარე:
1. ეკო ფანგანმა დაარღვია ქარტიის მე-7 პრინციპი.
2. ეკო ფანგანს არ დაურღვევია ქარტიის მე-10 პრინციპი“, - წერია ქარტიის გადაწყვეტილებაში.
View this post on Instagram
ქარტიის გადაწყვეტილებას გამოეხმაურა თავად ბლოგერი სოფია კვინიკაძე და სოციალურ ქსელში დაწერა, რომ ფოტოების გამოყენებაზე საჩივრის დაკმაყოფილებას არც ელოდა.
„აჰა ბატონო !
რატო გაბრაზდა ეს გოგოო, მაგაზე კაის მეტი არაფერი უთქვამთ იმ გადაცემაშიო, ვინც იძახდით. მიზეზი, ახსნილი და დასაბუთებული, რატომაც გავღიზიანდი და არ მინდოდა იქ გამოჩენა.
ფოტოების გამოყენებაზე ნაწილი არ მიიჩნიეს დარღვეულად, რასაც ველოდი“, - წერს სოფია კვინიკაძე.
ასევე დაგაინტერესებთ:
