„ამერიკელებს რომ ვაცადოთ საკუთარი Idol-ის არჩევა არ გამოვა? - ტვინი გაიბურღა ძალიან“,- ასე ეხმაურება ტელეკომპანია „კავკასიის“ დირექტორი, ჟურნალისტი ნინო ჯანგირაშვილი ნუცა ბუზალაძის მონაწილეობას „ამერიკული ნიჭიერში“.
American Idol-ში ნუცა ბუზალაძის გამოსვლებს ქართველი მსმენელი ძალიან დადებითად აფასებს და გულშემატკივრობს. ამ ეტაპზე, კონკურსის წესების თანახმად, ხმის მიცემის შედეგად ერთ-ერთი გამოკვეთილი ლიდერი ნუცაა, რადგან მას უკვე ხმების 85%-ზე მეტი აქვს და პირველ ადგილზე იმყოფება.
მიუხედავად იმისა, რომ ამ ამბავში ნეგატიური არც არაფერია, მაინც გამოჩნდნენ ადამიანები, ვინც ნუცას ეს წარმატება და თხოვნა თანამოქალაქეების მიმართ, მხარი დაეჭირათ მისთვის ხმის მიცემის სახით, გამაღიზიანებელი აღმოჩნდა.
„ამერიკელებს რომ ვაცადოთ საკუთარი Idol-ის არჩევა არ გამოვა?
გიწერთ, ის აპლიკაციები, თქვენი რეგიონისთვის არ არისო ეს კენჭისყრა, იმიტომ რომ თავისას ირჩევენ ხალხო, თავისას, თქვენსას კი არა.
თვითონ ვინც მოეწონებათ ის უნდა აირჩიონ.
აბა VPN–ები და აბა ლოკაციების გათიშვა და რჩევები და გარჩევები, როგორ მოვატყუოთ აპლიკაცია კარგი საქმე გგონიათ?
ტვინი გაიბურღა ძალიან“, - წერს ჯანგირაშვილი.
აგრეთვე დაგაინტერესებთ:
