ქართველი იმუნოლოგი, პროფესორი, ინფექციური პათოლოგიის, შიდსისა და კლინიკური იმუნოლოგიის ცენტრის გენერალური დირექტორი, თენგიზ ცერცვაძე 76 წლის გარდაიცვალა.
ქართველი ფოტოხელოვანი და სამოქალაქო აქტივისტი გოგა ჩანადირი ცერცვაძის გარდაცვალებასთან დაკავშირებით, სამძიმრის წერილს აქვეყნებს და ქვეყნის ერთ-ერთ დამსახურებულ ინფექციონისტს ემოციური პოსტით ემშვიდობება.
„გული დამწყდა.
გარდაიცვალა საუკეთესო ადამიანი და ექიმი, საქართველოში აივ/შიდსის სამსახურის ფუძემდებელი, იმუნოლოგი, პროფესორი, მედიცინის მეცნიერებათა დოქტორი თენგიზ ცერცვაძე.
პაციენტებთან ურთიერთობის განსაკუთრებული უნარი ჰქონდა. რაღაცნაირი გამხნევება იცოდა ხოლმე.
შიდსის ვირუსის თაობაზე მაღალი ცნობილობა და მასთან დაკავშირებული არაერთი ღონისძიება მისი დამსახურებაა.
არასოდეს დამავიწყდება ერთი ამბავი - რუსთავი 2-ის ეთერში ყოფნისას გაიგო, რომ ბათუმში კორონავირუსით ავადმყოფი გარდაიცვალა და ეთერში ფეხზე წამოდგა.
დიდი ადამიანი იყო...“, - წერს გოგა ჩანადირი.
⭕ ასევე დაგაინტერესებთ
