პოლიტიკოსი - ალეკო ელისაშვილი რუსეთ-უკრაინის ომში მოხალისედ იმყოფება. ის მოქალაქეებს სოციალური ქსელის დახმარებით ომის ხაზიდან სიახლეებს უზიარებს.
დღესაც მორიგი პოსტი გამოაქვეყნა და თან სურათები დაურთო.
„პირველი საბრძოლო დავალება შესრულებულია! დეტალები ჯერ არ ითქმის, მაგრამ ოპერაცია წარმატებული იყო. ქართველების ჯგუფს ერთი ნაკაწრი არ გვაქვს, ოკუპანტებიდან კიდევ ბევრი გაუყვა საიქიოს გზას. მოკლედ ვიომეთ რამდენიმე დღე, დავბრუნდით და ხელახლა მოვიკრებთ ძალას. ბრძოლა გამარჯვებამდეა!
სიკვდილი ოკუპანტებს!
დიდება უკრაინას!
დიდება საქართველოს!“, - წერდა ელისაშვილი.
ფოტოებს დიდი გამოხმაურება ჰქონდა. მოქალაქეები კეთილი სურვილებით გამოეხმაურნენ და სამშობლოში მშვიდობიანად დაბრუნება უსურვეს.
კომენტარი ფსიქოლოგმა ნათია ფანჯიკიძემაც დაუწერა: „ხომ ხედავ, როგორ გამოგადგა წვრთნები და საიდან ხარ ასე გამძლე. ბაღნობაში ჩემი ნაწამები კაცები, სულ გმირები ხდებიან ბოლოს... მშვიდობიანად დაბრუნდი“.
ასევე დაგაინტერესებთ👇
