ინგლისში, ქალაქ ბირმინგემში Black Sabbath-ის ერთ-ერთი დამფუძნებლის და „ჰევი მეტალის ნათლიის“ ოზი ოსბორნის გამოსამშვიდობებელი ცერემონია გაიმართა.
პროცესიამ ქალაქის ქუჩებში ოზისთვის მნიშვნელოვანი ადგილები მოიარა.
Black Sabbath-ის ხიდზე, სადაც თაყვანისმცემლები ოსბორნის პატივსაცემად ყვავილებს ტოვებდნენ, მუსიკოსის ოჯახის წევრები მივიდნენ. ათობით ათასი გულშემატკივარი მათ აპლოდისმენტებით და მხარდამჭერი შეძახილებით დახვდა.
ოზი ოსბორნი 22 ივლისს, 76 წლის ასაკში გარდაიცვალა. 2 კვირით ადრე კი Black Sabbath-თან ერთად რეკორდული საქველმოქმედო გამოსამშვიდობებელი კონცერტი გამართა. მუსიკოსს დღეს, დახურულ ცერემონიაზე დაკრძალავენ.
⭕ ასევე დაგაინტერესებთ:
⭕ „საქართველოში ფიქსირდება ტროპიკული ღამეები“- კობა ფარტენაძის ამინდის პროგნოზი
