ილია თოფურიას ძმა ალექსანდრე თოფურია UFC-ში სადებიუტო ბრძოლას სიდნეიში 9 თებერვალს ჩაატარებს.
ალექსანდრე თოფურია ბრძოლამდე რამდენიმე დღით ადრე სიდნეიდან ფოტოებს აქვეყნებს:
შეგახსენებთ, რომ სუპერმსუბუქი წონის დივიზიონში ალექსანდრე თოფურიას მეტოქე ავსტრალიელი კოდი ჰადონი იქნება, რომელსაც შერეული ორთაბრძოლების სხვადასხვა დივიზიონში შვიდი გამარჯვება და ერთი მარცხი აქვს. უშუალოდ UFC-ში მან ერთხელ იბრძოლა და 2024 წლის ოქტომბერში დენ არგუეტა მსაჯების ერთსულოვანი გადაწყვეტილებით დაამარცხა.
რაც შეეხება ალექსანდრე თოფურიას, 28 წლის მებრძოლს სხვადასხვა ორგანიზაციის ეგიდით ექვს ბრძოლაში აქვს მონაწილეობა მიღებული, მის ანგარიშზე ხუთი მოგება და ერთი მარცხია. უფროსი თოფურია ბოლოს 2023 წლის მაისში ჯონ სეგასს დაუპირისპირდა და ნოკაუტით სძლია.
თოფურიასა და ჰადონის ბრძოლა UFC 312-ის ეგიდით გაიმართება. ალექსანდრე შერეული ორთაბრძოლების ყველაზე წარმატებული ორგანიზაციის მეექვსე მოქმედი ქართველი სპორტსმენი გახდება.
View this post on Instagram
⭕ ასევე დაგაინტერესებთ:
🎥 „რაც მიშა მესხის ცოლი ვარ საცერში ვარ სულ...“ - რას ჰყვება სოფო ბედია?
🎥 „აისი“ ოფიცრები ძირითადად რეიდებს ატარებენ ქუჩაში...“ - ვის დაადეპორტებენ ამერიკიდან?
