ჟურნალისტი, უკრაინელი მებრძოლი, ოლექსი ბობროვნიკოვი, იხსენებს როგორ ჩამოვიდა 2022 წლის დასაწყისში და როგორ გაიცნო ქართველი ახალგაზრდა ჯამბულ ხოფერია. 2 თვეში კი, ორივე, სხვადასხვა გზით, როგორ წავიდა რუსეთის წინააღმდეგ ომში უკრაინაში და წერს:
„ქართულ ოცეულში ვარ გიგა რობაქიძის მეთაურობით.
15 მარტი.
წავედით ტყეში, დავამარცხეთ მტრის ჯავშანტრანსპორტიორი, წაიღეთ საბრძოლო მასალა.
ჯაბა დილით მწერს.
– გუშინ ირპინის ტყიდან შენ არ გამოხვედი?
ვურეკავ.
ჯაბამ დამინახა ოპტიკური სამიზნედან და მიცნო.
და არ ჩაგვცხრილა, არც მე და არც ისინი, ვინც ჩემთან ერთად იყო.
ჯაბას მიეცა ბრძანება „გაენადგურებინა მტრის დანაყოფი, რომელიც გამოვა ტყიდან“.
ეს ჩვენ ვიყავით…
ეს არ არის ხუმრობა, არც ზღაპარი, არც რომანი.
ეს ჩემი ცხოვრებაა. ჩვენი. ჩემი, ნადიმა, გიგი, დათო, ყველანი, ვინც იმ დღეს გამოვედით ტყიდან.
ჯაბამ ათასი სახიდან ჩემი სახე ამოიცნო, ისევე როგორც მე ვიცნობდი მის.
ასე დავმეგობრდით.
ჯაბა დღეს მოკლეს“, - წერს ოლექსი ბობროვნიკოვი.
კიდევ ერთ წერილში, ბობროვნიკოვი წერს, რომ ოპტიკური სამიზნე, იმ ჯგუფიდან მხოლოდ ჯაბას ჰქონდა და რომ არა მისი პროფესიონალიზმი და ბრძანების შესრულებამდე გადამოწმება, ცოცხალი არ იქნებოდა.
აგრეთვე დაგაინტერესებთ:
🔵„კარგი დღეა ვარჯიშისა და ფიზიკური აქტივობისთვის“ - მიხეილ ცაგარელი
🔵„არანაირი „ფოტო-შოპი“ - ნატა გულიაშვილმა წონაში საგრძნობლად დაიკლო
წყარო: www.alia.ge
