10 ნოემბერს, 22:00 საათზე მეგა შოუს „ვინ ვინ არის“ ახალი, მე-5 სეზონი იწყება.
ახალი გმირებითა და ახალი მუსიკალური ნომრებით ყველაზე გასაიდუმლოებული მეგა შოუ გულგრილს ამჯერადაც არავის დატოვებს - მინოტავრი, პუდელი, ფარშევანგი, ლაზიერი, მოკლედ საზოგადოება თოჯინებს ამოფარებული 10 ვარსკვლავის გარდასახვას იხილავს.
სცენაზე ერთმანეთს ჩვენთვის კარგად ნაცნობი, თუმცა, უფრო კარგად შენიღბული ადამიანები შეეჯიბრებიან. 8 კვირის განმავლობაში ისინი ეცდებიან, რომ მათი ვინაობა ვერავინ გაიგოს, მთელი საქართველო ამ დროის განმავლობაში კი დეტექტივად გადაიქცევა.
გადაცემის წამყვანი კვლავ მაკა ზამბახიძე იქნება, რომელიც ახალი სეზონის დაწყებაზე სოციალურ ქსელში წერს:
„იწყება ჩემი და თქვენი საყვარელი პროექტი „ვინ ვინ არის“.
წინ გელოდებათ ზღაპრული პერფორმანსები კოსტიუმები და რაც მთავარია ადამიანები, რომლებიც ძალიან გიყვართ.
მე კი ამ ჯადოსნური პროექტის წამყვანი და თქვენი მონა მორჩილი მეხუთე სეზონის განმავლობაში ვიქნები.
თქვენთან ერთად ყოველ ორშაბათს 22:00 საათზე, შევხვდებით დღეს იმედზე“, - წერს მაკა ზამბახიძე.
ასევე დაგაინტერესებთ:
⭕„ფანტასტიკურ ფორმაში ხარ, ეშხიანო“ - ნატალია ქუთათელაძის ახალი ფოტოები
