ქართველი ჩოგბურთელი ნიკოლოზ ბასილაშვილი სოციალურ ქსელში, მოკლული მასწავლებლის, გიგა ავალიანის დედის ფოტოს აქვეყნებს და ეკა კუპატაძეს გამძლეობას უსურვებს:
„გისურვებთ ძალას და სიმშვიდეს, ამ აუწერელი ტკივილის დროს“, - წერს ნიკოლოზ ბასილაშვილი.
ცნობისთვის, საქართველოს პროკურატურის ახალი განცხადებით ცნობილი გახდა, რომ გიგა ავალიანის საქმეზე დაკავებულებს ბრალდება ჯგუფური ძალადობის სხვა 5 ეპიზოდთან დაკავშირებითაც წარედგინათ.
პროკურატურა გიგა ავალიანის საქმეზე ბრალდებულების - ალექსანდრე გაბაშვილის, გიორგი რიკაძისა და დემეტრე ჩიქოვანის მონაწილეობით ჯგუფური ძალადობის სხვა ეპიზოდების ამსახველ ვიდეოკადრებსაც აქვეყნებს, მათ შორის პროკურატურის მიერ გავრცელებული მასალაში ჩანს ალექსანდრე გაბაშვილი სხვადასხვა სახის იარაღით.
ძალადობის 5 ეპიზოდიდან ხუთივეში მონაწილეობს გიორგი რიკაძე; ოთხ ეპიზოდში მონაწილეობს დიმიტრი ჩიქოვანი; ალექსანდრე გაბაშვილი კი 2- ეპიზოდში.
როგორც უწყებაში გამართულ ბრიფინგზე აღინიშნა, ერთ-ერთი ძალადობრივი ეპიზოდის ამსახველი ვიდეო გიორგი რიკაძისა და დემეტრე ჩიქოვანის მობილურ ტელეფონში ინახებოდა.
ამის შესახებ 10 თებერვალს, ბრიფინგზე პროკურორმა გიორგი მიქაიამ ისაუბრა.
⭕ ასევე დაგაინტერესებთ:
⭕ „დამირეკა და მითხრა, პირველი პოეტი ვარ ამ ქვეყანაში...“ - რას წერს გიორგი კეკელიძე
⭕ რუსთავი-ლილოს გზაზე ავარიის დროს დაღუპული ერთ-ერთი პირი იდენტიფიცირებულია
