მეტეოროლოგი კობა ფარტენაძე სოციალურ ქსელში მომდევნო დღეების ამინდის პროგნოზს გვიზიარებს.
როგორც იგი განმარტავს, უახლოეს დღეებში საქართველოს ტერიტორიაზე ჰაერის ტემპერატურის დაკლებასთან ერთად ყველგან იწვიმებს, ზოგან ძლიერად:
„14 მაისი - ცხელი და მზიანი დღე, შემდეგ ქარიანი წვიმა, მაისის სიურპრიზი ამინდის მხრივ!
14 მაისს საქართველოში მზიანი და უმეტესად უნალექო ამინდია მოსალოდნელი, ჰაერის ტემპერატურა მნიშვნელოვნად მოიმატებს.
დასავლეთ საქართველოში +30 გრადუსამდე დაცხება, სანაპირო ზოლში +28, აღმოსავლეთ საქართველოში +26 გრადუსი დაფიქსირდება.
გვიან, საღამოს უეცარი დათბობის ფონზე, სანაპირო ზოლსა და დასავლეთ საქართველოში გაძლიერდება დასავლეთის ქარი და 15-16 მაისს მთელს ქვეყანაში ჰაერის ტემპერატურის დაკლებასთან ერთად ყველგან იწვიმებს, ზოგან ძლიერად.
გისურვებთ - მაისის სითბო გულებში დაგრჩეთ, წვიმას კი ნაყოფიერება მოეტანოს თქვენთვის...“, - წერს კობა ფარტენაძე.
ასევე დაგაინტერესებთ:
⭕ზოდიაქოს 3 ნიშანი, რომელთათვისაც 2026 წლის ივნისი ფინანსურად განსაკუთრებით ხელსაყრელი თვე იქნება
