UFC-ის ქართველი მებრძოლი მერაბ დვალიშვილი და მოჭიდავე საბა ლაზიშვილი გათავისუფლებული არიან.
დროებითი მოთავსების იზოლატორის დატოვების შემდეგ სპორტსმენმა სოციალურ ქსელში მიმართვა გაავრცელა და მხარდაჭერისთვის ყველას მადლობა გადაუხადა:
„მინდა, ყველას გაცნობოთ, რომ გამათავისუფლეს. კარგად ვარ, ჯანმრთელად და წასასვლელად მზად ვარ.
მინდა, ყველას მადლობა გადავუხადო აბუ-დაბიში ყველას, ვინც ამ საკითხის მოგვარებაში დაგვეხმარა.
მიყვარს აბუ-დაბიში სტუმრობა და მოხარული ვარ, რომ მიმასპინძლეს.
იმედი მაქვს, რომ ყველას გაათავისუფლებენ, არავის ვუჩივლებ.
ყველასთვის მშვიდობა და საუკეთესო მინდა. მადლობა ყველას სიყვარულისა და მხარდაჭერისთვის“, - წერს მერაბ დვალიშვილი.
შეგახსენებთ, რომ აბუ-დაბის პოლიციამ დვალიშვილსა და ლაზიშვილს მხოლოდ ფულადი ჯარიმა დააკისრა, უსმან ნურმაგომედოვსა და მის თანმხლებ ხუთ პირს კი 6-თვიანი პატიმრობა შეუფარდა და 300 000 დირჰემის ოდენობის ფინანსური ჯარიმა დააკისრა.
დვალიშვილი და ლაზიშვილი RAF-ის ღონისძიებაზე იასპარეზებენ. მერაბი მარლონ მორაესს დაუპირისპირდება, ხოლო საბა უმარ ნურმაგომედოვს ჩაანაცვლებს და ურაია ფეიბერს შეხვდება.
ცნობისთვის, 11 ნოემბერს აბუ-დაბიში მერაბ დვალიშვილსა და საბა ლაზიშვილს უსმან ნურმაგომედოვი და მისი თანმხლები პირები თავს დაესხნენ.
აგრეთვე დაგაინტერესებთ:
⭕„ყურადღება მიაქციე სახლს, ოჯახსა და მყუდრო გარემოს“ - 14 ნოემბრის ასტროლოგიური პროგნოზი
⭕„გვიყვარხარ ძალიან“ - მარიამ ელიეშვილი მეუღლეს დაბადების დღეს ულოცავს
