სოციალური ქსელის მომხმარებელი თამრიკო ილია მოლაშვილი ფეისბუკის პირად გვერდზე ვეტერანი სპორტსმენის ლევან თედიაშვილის ფოტოს აქვეყნებს და წერს, რომ მას სახელმწიფოს მხრიდან თანადგომა სჭირდება.
ამავე სტატუსში პოსტის ავტორი აღნიშნავს, რომ ლევან თედიაშვილს წინა ხელისუფლება დევნიდა, რამაც მისი ჯანმრთელობა კიდევ უფრო გააუარესა.
„მართლა ფურთხის ღირსი ხარ შენ საქართველოვ! ლოგინზე მწოლიარე ადამიანი იცანით ვინ არის?!
სახელმწიფოსგან მიგდებული, ყველასგან მიტოვებული ლევან თედიაშვილი... დიახ! ლევან თედიაშვილია... დაუცველი, უსუსური, გაუბედურებული, ადამიანი-ლეგენდა. მასთან ნაცნობობით, თუ მეგობრობით ყველა ვამაყობდით. სხვათა შორის ძლიერი დარტყმა მან მიიღო ნაცების დროს. ამ დევნის შემდეგ სერიოზულად შეერყა ჯანმრთელობა. დღეს აი, სადამდე დაგვიყვანეს! არა! ეს უკვე არავითარ ჩარჩოში ჯდება!
„ალიონში“ მუშაობისას ლევანზე სიუჟეტი გავაკეთე. იცით რა მითხრა თავის შვილზე, რომელიც აფხაზეთში დაიღუპა? - უფალმა მომცა, უფალმა წაიყვანა, მადლობა უფალს! ამ სიტყვების შეგრძნება და თქმა მხოლოდ ლევან თედიაშვილს შეუძლია. ნოდარ კირკიტაძემ იპოვა. დღეს ის პატრონობს. კახა, Kakha Kakhishvili დარწმუნებული ვარ, ამ პოსტს უყურადღებოდ არ დატოვებ. მე მჯერა შენი! Kakha Kaladze კახა კალაძე , ლევან თედიაშვილი, სხვათა შორის, თბილისის საპატიო მოქალაქეა... გამოფხიზლდით! საით მიგყავთ ქვეყანა?
P. S. არ მინდოდაა ლევანის პირადს შევხებოდი. კომენტარები მაიძულებს დავწერო, რომ ლევანი ცოლთან უკვე დიდი ხანია არ ცხოვრობს“, - წერს თამრიკო ილია მოლაშვილი.
აგრეთვე დაგაინტერესებთ
