9 თებერვალს, თბილისში, ზაარბრიუკენის მოედანზე დადგმული ქანდაკების „დროის ნაწნავები“ ირგვლივ განხილვები არ წყდება. ზოგს მოეწონა, ზოგს არა და ზოგმა მწვავედაც გააკრიტიკა.
ერთ-ერთი ვინც აღნიშნულ თემის ირგვლივ დისკუსიას ეხმაურება მსახიობი ია ფარულავაა, მისი თქმით, მას როგორც მოქანდაკის შვილს, ქანდაკება ძალიან მოსწონს.
„ზოგიერთის მოსაწონი ხომ არაფერია ამ ქვეყნად! მე, როგორც მოქანდაკის შვილს, ძალიან მომწონს ეს ნამუშევარი. ორიგინალური კონცეფცია, შესრულებული ანტიკურ სტილში, თანამედროვე შტრიხებით. მოაქვს ემოცია და არის ესთეტიკურად ლამაზი“, - წერს ია ფარულავა სოციალურ ქსელში.
ცნობისთვის, გიორგი ხანიაშვილის „დროის ნაწნავები“ თბილისის საჯარო ხელოვნების ფონდის კონკურსში გამარჯვებული ნამუშევარია, რომელიც წარმოადგენს ტანზე თმაშემოხვეულ ქალს.
ნამუშევარი ზაარბრიუკენის მოედანზე ერთი წლის განმავლობაში დარჩება.
აგრეთვე დაგაინტერესებთ:
