„მორალური არჩევანი და სიკეთე არ ნიშნავს იმას, რომ ადამიანს ბოროტების ჩადენის უნარი არ აქვს...“ - რას წერს ფსიქოლოგი

იუნგის მიხედვით, „ჩრდილი“ არის ჩვენი არაცნობიერის ის ნაწილი, სადაც თავს იყრის ყველაფერი, რაც ჩვენს საკუთარ თავში არ მოგვწონს, რასაც საზოგადოება გვიკრძალავს ან რასაც ჩვენივე მორალი უარყოფს.

ეს შეიძლება იყოს: აგრესია და ბრაზი, ეგოიზმი და შური, კონტროლის სურვილი…

ყველა ის ფარული იმპულსები, რომელსაც „ბოროტებად“ ან სისუსტედ მივიჩნევთ.

როდესაც ადამიანი ცდილობს იყოს „მხოლოდ კეთილი“ და იდეალური, ის ქვეცნობიერად თვალს ხუჭავს თავის ჩრდილოვან მხარეზე. თუმცა, რაც უფრო მეტად ვთრგუნავთ ჩრდილს, მით უფრო დესტრუქციული ხდება ის. ის იკრებს ძალას და ადრე თუ გვიან იფეთქებს ხშირად მოულოდნელი აგრესიის, სხვების განსჯის (პროექციის) ან თვითდესტრუქციის სახით.

მორალური არჩევანი და სიკეთე არ ნიშნავს იმას, რომ ადამიანს ბოროტების ჩადენის უნარი არ აქვს. პირიქით ნამდვილი სიკეთეა, როდესაც გაცნობიერებული გაქვს საკუთარი სიბნელე, იცი, რა ზიანის მიყენება შეგიძლია, მაგრამ ირჩევ, რომ ეს არ გააკეთო („ადამიანი არ ხდება ნათელი სინათლის ფიგურების წარმოდგენით, არამედ სიბნელის გაცნობიერებით“ - კარლ გუსტავ იუნგი).

ფსიქოლოგიაში ამ პროცესს ჩრდილის ინტეგრაცია ჰქვია. ეს ნიშნავს საკუთარი ნეგატიური მხარეების აღიარებას. როდესაც ვიცით, რაზეა უნარიანი ჩვენი „ბოროტი“ ნაწილი, ჩვენ მასზე კონტროლს ვიღებთ. ამ დროს არჩევანი ხდება გაცნობიერებული და არა პრიმიტიული იმპულსების შედეგი.

ადამიანი არ არის სტატიკური ის მუდმივი შინაგანი ბრძოლის ველია.

ჩვენი უნარი, ვიყოთ უკიდურესად კეთილები ან უკიდურესად ბოროტები, გვაძლევს უდიდეს პასუხისმგებლობას. ვინ გვინდა რომ ვიყოთ - ეს არ არის ერთჯერადი გადაწყვეტილება, ეს არის ყოველდღიური არჩევანი, სადაც ჩვენი ცნობიერი „მე“ მართავს იმ შინაგან ქაოსსა და სინათლეს, რომელიც თითოეულ ჩვენგანში არსებობს.

ასევე დაგაინტერესეთ:

⭕გიორგი ქოჩორაშვილმა რჩეულს ხელი ბრაზილიაში, ქრისტეს ქანდაკებასთან სთხოვა - ფოტოები

🎥 „ჩემი დაქალია...“ - ალექსანდრა პაიჭაძე ქალიშვილთან ერთად პოზირებს

⭕„ღმერთს არ შეუქმნიხარ იმისთვის, სხვისი მოლოდინებით გეცხოვრა, როცა საკუთარ ბუნებას ღალატობ, შინაგანად ყოველთვის სიცარიელეს გრძნობ“ - თეო ხაბულიანი