ჟურნალისტი და პიარტექნოლოგი ლალი მოროშკინა მცხეთაში სვეტიცხოვლის მიმდებარე ტერიტორიაზე სუვენირებით მოვაჭრეების პრობლემაზე სოციალურ ქსელში პოსტს აქვეყნებს და წერს, რომ საქართველოში მცირე ბიზნესს მიზანმიმართულად ებრძვიან.
„უბრალოდ ამას ვერ გავატარებ!
მივმართავ საგადასახადო სამსახურს!
გუშინ სტუმრები მყავდა მცხეთაში, სუვენირების დახლები დაცარიელებული დამხვდა, ხოლო ხალხი ატირებული...
- რა გჭირთ? ვიკითხე მე
- როგორც მტრების ურდო ისე გვივარდება საგადასახადო და გვაწიოკებს, არადა სეზონი ახლა დაიწყო, ორი წელია ისედაც სამარილეც კი არ გაყიდულა, ყველას პატარა ბავშვები და საბანკო ვალები გვაქვს-მიპასუხა ერთმა ქალბატონმა
- გვაწიოკებენ და თითო ჭიქა ჭაჭაზე საბუთს ითხოვენ-ზლუქუნებდა თექვსმეტიოდე წლის მოზარდი
- აი მოვა არჩევნები და ნახონ მერე ! - აღმოხდა იქვე მდგომ მოხუცს.
ახლა მე თქვენ გეკითხებით, ვის ინტერესებშია ხალხის ასე დამცირება?
მშვენივრად იცით, რომ იგივე ევროპაში, პოსტპანდემიურ პერიოდში ბევრ რამეზე დახუჭეს თვალი!
რას ერჩით მცირე ბიზნესს, რას ერჩით უბრალო, მშრომელ ხალხს,
ვინ არის დღეს პრემიერის მტერი?
საკითხავი აი ეს არის!“, - წერს ლალი მოროშკინა.
