„მწვრთნელმა ლამის ფლანგის განაპირა მცველად აქცია და ახლა თურმე კვარა ითხოვს წასვლას...“ - რას წერს გიორგი ლობჯანიძე ხვიჩა კვარაცხელიაზე

„თითქმის, უკვე ოფიციალურად: ხვიჩა პარიზში ითამაშებს!

ათეული წლებია, რაც ფეხბურთს აქტიურად ვუყურებ და ვინ, ვინ ერთ-ერთი მათგანი გახლავართ და ახლოდან ვიცი რა ხდება კლუბების სატრანსფერო მენეჯმენტში.

ისეთი კლუბები, როგორებიცაა: ნაპოლი, ამსტერდამის აიაქსი, დორტმუნდის ბორუსია, შალკე 04, ვალენსია, სევილია, მონაკო და ა.შ. მსგავსი გუნდები მუშაობენ ფინანსურად გრანდებზე, ანუ მათზე დიდ კლუბებზე.

მარტივია, გათვლა რაში მდგომარეობს: კლუბი ყიდულობს პერსპექტიულ მოთამაშეს იმისთვის, რომ პერსპექტივა ბოლომდე გაიფურჩქნოს და ეს დაღვინებული კადრი სარფიანად სხვას მიყიდოს.

თუ ფეხბურთელში იხდის თავიდან 10 მილიონს, 1-2 წელში 7-8 მაგდენს მიიღებს. ესაა საფეხბურთო ბიზნესი და ის გუნდები, რომლებიც მაღლა ჩამოვთვალე ასე იქცევიან საკმაოდ დიდი ხანია. ნებისმიერი სპორტული სამყაროს წევრი დამეთანხმება ჩემს სიტყვებში.

ხვიჩამ ნაპოლიში მისვლის დღიდან პირველივე წელს მოიგო იტალიის სერი ა, გახდა ტურნირის საუკეთესო მოთამაშე, ყველაზე მეტ (59) გოლში მიიღო მონაწილეობა, ყველაზე მეტი მატჩის საუკეთესო ფეხბურთელის წოდება აქვს და ამ დროს მისი ხელფასი მიზერულია, მე-16 ადგილს იკავებს! რაც ძალიან დიდი სირცხვილია.

მწვრთნელმა ანტონიო კონტემ კი ამ სეზონში საერთოდ ლამის ფლანგის განაპირა მცველად აქცია და ახლა თურმე კვარა ითხოვს წასვლას. შეიძლება ითხოვს კიდეც, თუმცა მაშინ, როცა ნაპოლი უკვე მეორედაა ახლოს იტალიის ჩემპიონობასთან გუნდი მაქსიმალურად უნდა ცდილობდეს მის შენარჩუნებას, მაგრამ ასე არ ხდება გასაგები ბიზნეს მიზეზების გამო!

წარმატებები კვარას პარიზულ გრანდში. მას გუნდში დახვდება კონკურენტები და მოუწევს ბრძოლაში შესვლა, იმედი მაქვს, რომ დაიმკვიდრებს ძირითადში ადგილს და გაახარებს ბევრი ქართველის და მთლიანად საქართველოს გულს!“, - წერს გიორგი ლობჯანიძე.

აგრეთვე დაგაინტერესებთ:

⭕„ულამაზესი და უდახვეწილესი“ - მარიამ სანოგო თეთრ კაბაში პოზირებს

🎥 „არ მჯერა... ჩვენმა დედიკომ არ იცის...“ - ბარბარა სამხარაძე სასიხარულო ინფორმაციას გვიზიარებს

🎥 ავტოსაგზაო შემთხვევების დროს ორივე მძღოლი ჯარიმდება? - ვის და რატომ ეკისრება ჯარიმა