დადასტურდა 3 აგვისტოს კურორტ შოვში, სტიქიის დროს დაკარგული 36 წლის ნიკოლოზ ჩალაძის გარდაცვალება. ამის შესახებ ინფორმაცია ოჯახის ახლობელმა სოციალურ ქსელში გაავრცელა.
„შოვის ტრაგედიის კიდევ ერთი მსხვერპლის გარდაცვალება დადასტურდა. 36 წლის ნიკოლოზ ჩალაძის ცხედარი მეუღლემ, თავისივე ნაჩუქარი ჯვრით ამოიცნო.
ნიკოლოზს დარჩა მეუღლე და ორი მცირეწლოვანი შვილი. ხუთი წლის დემეტრეს ახლაც ჰგონია, რომ მამა სამსახურშია და ელოდება...
წლინახევრის დათუჩას აქვს დაუნის ტრისომალური ფორმა, მას განსაკუთრებული მზრუნველობა სჭირდება. ბავშვები სოციალურ შემწეობას იღებენ. ნიკოლოზს მუდმივი სამსახური არ ჰქონდა, ის მუშაობდა მშენებლობებზე და ტრაგედიის დღესაც სწორედ სამუშაოდ იმყოფებოდა შოვში.
შოვის ტრაგედიამ უამრავი ადამიანი გააერთიანა, სოლიდარობის არაერთი მაგალითი ვიხილეთ.
ახლაც, ამ ოჯახს საზოგადოების მხარდაჭერა სჭირდება, გავერთიანდეთ ნიკოლოზის ოჯახის მხარდასაჭერად, თქვენს მიერ გაღებულ თითოეულ ლარს შეუძლია შეცვალოს ბავშვების მომავალი.
ლიბერთი ბანკი
ანგარიშის ნომერი #GE72LB0711182522606000
მიმღები: ეკა გოგლიძე (ნიკოლოზის მეუღლე)“, - წერს ეკატერინე კიბაბიძე.
აგრეთვე დაგაინტერესებთ:
შოვის სტიქიისას დაკარგული ზაზა მესხის უფროსი ბიჭის გარდაცვალება დადასტურდა
„ვაგრძელებთ... ჩემი და-ძმა და დედა, სხვანაირად ვერ აღვიქვამ ამ სამ ადამიანს“ - მარიტა გუტაშვილი
„მიყვარს თქვენი მშვენიერი ოჯახი“ - ჯანეტ ქერდიყოშვილი ახალ ფოტოებს აქვეყნებს
