სრულიად საქართველოს კათოლიკოს-პატრიარქის, ილია მეორის გარდაცვალებას მომღერალი აჩიკო ბერიძე გადაცემაში „იმედის დღე“ გამოეხმაურა და მასთან დაკავშირებული ემოციური ისტორიები გაიხსენა.
როგორც თავად აღნიშნა, იგი 1989 წელს, აჭარაში, ღვთისმშობლის ტაძარში ილია მეორემ მონათლა:
„ვუზიარებ ჩვენს ერს. ძალიან გვიჭირს საუბარი. ემოციების მართვა ძალიან რთულია. უნდა გავერთიანდეთ, მისთვის ვილოცოთ. დარჩა მოგონებები.
ალბათ ახლა ყველა გადავხედავთ მის თითოეულ სიტყვას, ყველა თავის ისტორიას მოჰყვება.
ბედნიერი ვარ, რომ პატრიარქის ნათლული ვარ. 1989 წელს, ღვთისმშობლის ტაძრის კურთხევისას, 5000-მდე ადამიანთან ერთად მოვინათლე მეც, სამი წლის ვიყავი“, - ამბობს აჩიკო ბერიძე.
ასევე დაგაინტერესებთ:
