განათლების, მეცნიერებისა და ახალგაზრდობის მინისტრის კონსულტანტი ზოგადი განათლების საკითხებში გია მურღულია სოციალურ ქსელში მორიგ საინტერესო პოსტს აქვეყნებს, რომელსაც „დაიჯესტი“ უცვლელად გთავაზობთ:
„ახლა მეათე კლასთან მაქვს გაკვეთილი. გავდივართ ჩემს საავტორო საგანმანათლებლო პროგრამას „ფიქრი ფიქრზე“.
წავუკითხე ორი ფრაზა.
პირველი ამერიკის პრეზიდენტს, კელვინ კულიჯს ეკუთვნის („ერთ ადამიანს პლუს კანონი - უკვე უმრავლესობაა“), მეორე - რომაელ ფილოსოფოსს, სენეკას („რასაც არ კრძალავს კანონი, კრძალავს წესიერება“).
რამდენიმე წუთი ვმსჯელობდით მათზე.
ახლა სხედან და წერენ - როგორ აღიქვეს, გაიგეს და გაიაზრეს ამ ორი ფრაზის არსება.
ინტერპრეტაციის კულტურა ძალიან მნიშვნელოვანია.
მთავარი თეზისები უნდა გამოკვეთონ, თავიანთი მოსაზრებები დაასაბუთონ და მაგალითებიც მოიტანონ დასტურისა თუ უარყოფისთვის.
ვუმზერ და ჩემთვის ვამბობ:
რას უნდა ვუცქერდე ახლა მოაზროვნე ახალგაზრდა საქართველოზე უკეთესს?
როგორი ლამაზები არიან, როცა ფიქრობენ.
აზრი ამშვენიერებს ადამიანს“, - წერს გია მურღულია.
⭕ აგრეთვე დაგაინტერესებთ:
⭕„გიგზავნით სიყვარულს საქართველოდან“ - ჯორჯინა უზკატეგუია ოჯახურ კადრებს აქვეყნებს
⭕„ძალიან მსიამოვნებს თქვენი ყურება“ - ჯანეტ ქერდიყოშვილი ოჯახურ კადრებს აქვეყნებ
