კონტროლიორი დიანა კვიციანი, ფეისბუკის პირად გვერდზე ვრცელ პოსტს აქვეყნებს და საზოგადოებას განუმარტავს, თუ რა მოხდა რეალურად იმ დროს როდესაც უბილეთო მგზავრს მისი მეწყვილე აჯარიმებდა. როგორც კვიციანი აცხადებს, ამბავი რომელიც ინტერნეტსივრცეში გავრცელდა, იყო კონტექსტიდან ამოგლეჯილი და ცალმხრივად მოყოლილი, რომელიც საზოგადოებას შეცდომაში შეიყვანს.
დიანა კვიციანი მიიჩნევს, რომ ის მართალია, ფაქტი დამახინჯებულია და დეზინფორმაციის გავრცელებისა და მისი დისკრედიტაციისთვის აპირებს უჩივლოს მოქალაქე ნინო გაჩეჩილაძეს.
„ჩემო მეგობრებო, მტრებო და მოყვარეებო.
მოგმართავთ ყველას, ვინც დღეს მხარი დამიჭირეთ და ვინც მლანძღეთ.
ვინმე ნინი გაჩეჩილაძემ დადო პოსტი და დაურთო ჩემი ფოტო, თითქოს გუშინ მე დავაჯარიმე 80 წლის ქალბატონი, სოციალურად დაუცველი, რომელიც მიდიოდა კათარზისში საკვების ასაღებად.
პოსტის ავტორი იმ დროს იმყოფებოდა ავტობუსის გაჩერებაზე და მოახერხა ჩემთვის ფოტოს გადაღება და შემდეგ მზაკვრული ტექსტი გამოაქვეყნა.
ჩემმა სამსახურმა დღეს ჩაატარა მოკლვევა, შეისწავლა გადაღებული ვიდეომასალა, რომელშიც გადაღებულია მოქალაქის დაჯარიმების ფაქტი და სრულიად დადასტურდა ის, რომ ქალბატონი ნინო გაჩეჩილაძე ბინძურად მწამებს ცილს და ფეისბუკის ქსელში ჩემი ფოტოს გამოქვეყნებით, მოხდა რა ჩემი იდენტიფიცირება, მისცა საშუალება ყველას, ვისაც მოესურვება, მლანძღონ და მომაყენონ შეურაცხყოფა.
სრული პასუხისმგებლობით ვაცხადებ შემდეგს:
მოქალაქე, რომელზედაც არის საუბარი, მე არ დამიჯარიმებია.
მოქალაქე იყო არა 80 - ის, არამედ 72 წლის.
მოქალაქემ წარმოგვიდგინა არა სოციალური, არამედ საპენსიო სამგზავრო ბარათი, რითაც ვერანაირად ვერ დაადასტურებდა თავის სოციალურად დაუცველობას.
მოქალაქემ იმ კონტროლიორს, რომელიც მას აჯარიმებდა, დაარტყა მუშტები და ხელიდან წაართვა ფურცლები, რომელზედაც ჩვენი შიდა განაწესის მუხლები გვქონდა დატანილი.
არასოდეს და არც გუშინ, მე 80 წლის პირი არ დამიჯარიმებია, თუმცა ამას კანონი არც კრძალავს.
მოგმართავთ ყველას, ვისაც შეგიძლიათ და მეტიც, გაბედნიერებთ, ერთი ხელის მოსმით ადამიანის გალანძღვა, მიწასთან გასწორება და ჩასამარება, რატომ არასოდეს ინტერესდებით მეორე მხარესაც მოუსმინოთ?
რატომ არ გადაიღო ქალბატონმა ნინომ დაჯარიმებული პირის აგრესიული ქცევა?
ყველა, ვინც გადამიღებს ფოტოს და დაურთავს დაუსაბუთებელ, ბინძურ ტექსტს, უნდა აიტაცოთ და მლანძღოთ????
ჩემი სამსახურის ხელმძღვანელობამ შეისწავლა ფაქტი, ვიდეო მასალა, მოახდინეს დაჯარიმებული პირის იდენტიფიცირება და ყველაფერი, რაც ზემოთ დავწერე, დადასტურებულია.
მე მივიღე გადაწყვეტილება, რომ პოსტის ავტორს ვუჩივლო და დავაყენო მისი სამართლებრივი პასუხისმგებლობის საკითხი, რადგან არავის აქვს უფლება ცილისწამების, ჩემი დაბულინგების.
ჩემი ნებართვის გარეშე ფოტოს გამოქვეყნებისა ასეთ დაუსაბუთებელ და ბინძურ ტექსტთან ერთად.
პ.ს. ავტორმა ტექსტი წაშალა, თუმცა ეს მას არ ათავისუფლებს მას პასუხისმგებლობისგან, რომელსაც მე აუცილებლად დავაყენებ!“, - წერს დიანა კვიციანი.
აგრეთვე დაგაინტერესებთ:
🔵ტემპერატურა 33 გრადუსამდე მოიმატებს - ამინდის პროგნოზი
🔵„კარგი დღეა უსარგებლო ნივთებისა და ადამიანებისგან გათავისუფლებისთვის“ - მიხეილ ცაგარელი
🔵„შეიძლება სუიციდამდეც მიგიყვანონ, ვინ ხართ ფუ თქვენი“ - თამთა ჭელიძე
