🧠 რატომ ეშინიათ პაციენტებს მედიკამენტური მკურნალობის? - ფსიქოლოგის განმარტება

ეს რეალურად ძალიან გავრცელებული და ახსნადი მოვლენაა. ერთ-ერთი მთავარი მიზეზია შფოთვა და ზედმეტი ფიქრი სხეულებრივ შეგრძნებებზე.

ასეთ მდგომარეობაში ადამიანი ნებისმიერ ახალ ჩარევას, მათ შორის წამალს, აღიქვამს როგორც შესაძლო საფრთხეს. ხშირია შიში გვერდითი ეფექტების მიმართ.

პაციენტები ხშირად უფრო ამახვილებენ ყურადღებას იმაზე, „რა შეიძლება მოხდეს ცუდი“, ვიდრე იმაზე, რა სარგებელი შეიძლება მიიღონ მკურნალობით. ასევე დიდ როლს თამაშობს არასწორი ინფორმაცია და სტიგმა ფსიქოტროპულ მედიკამენტებზე.

ბევრს ჯერ კიდევ აქვს წარმოდგენა, თითქოს ეს წამლები „ცვლიან ადამიანს“ ან იწვევენ დამოკიდებულებას, რაც ხშირ შემთხვევაში არ შეესაბამება რეალობას. მნიშვნელოვანია ასევე კონტროლის დაკარგვის შიში: პაციენტს უჩნდება განცდა, რომ მედიკამენტი მის გრძნობებს ან პიროვნებას შეცვლის.

ამ ყველაფრის ფონზე, მკურნალობის პროცესში უმნიშვნელოვანესია სწორი ახსნა, ნდობა და პარტნიორული ურთიერთობა. როცა ადამიანი კარგადაა ინფორმირებული, შიში მნიშვნელოვნად მცირდება და მკურნალობაც უფრო ეფექტური ხდება.

ასევე დაგაინტერესებთ:

⭕„მადლობა მას, რომ ასეთი ბიჭი გაგზარდა...“ - ლაშა ბექაური მამასთან ერთად გადაღებულ ფოტოს აქვეყნებს

⭕„ჩემი სიყვარული...“ - ეთერ ლიპარტელიანი ქმართან ერთად გადაღებულ ფოტოებს გვიზიარებს

⭕„არ მაქვს იმის დრო, რომ საკუთარ თავს გავუფრთხილდე...“ - რას ამბობს გია დავითიანი