ფსიქოლოგი გიორგი ჩოგოვაძე სოციალურ ქსელში საკმაოდ აქტიურია. იგი ხშირად გვიზიარებს რეკომენდაციებს სხვადასხვა მნიშვნელოვან თემებზე.
ამჯერად მან მორიგი პოსტი გაავრცელა, სადაც იმ მიზეზებზე საუბრობს, რის გამოც ბავშვი სპორტით უნდა დაკავდეს:
„ბავშვი აუცილებლად უნდა დაკავდეს სპორტით. არა იმიტომ, რომ ჩემპიონი გახდეს, არამედ იმიტომ, რომ უკეთესად იგრძნოს საკუთარი თავი.
რატომ უნდა დაკავდეს ბავშვი სპორტით:
ზრდის თვითშეფასებას – ბავშვი სწავლობს საკუთარ შესაძლებლობების რწმენას და ხედავს საკუთარი ძალის შედეგს.
ამყარებს დისციპლინას – რეგულარული ვარჯიში აჩვევს პასუხისმგებლობას და შრომის მნიშვნელობას.
ეხმარება ემოციების მართვაში – ფიზიკური აქტივობა ბუნებრივად ამცირებს სტრესს, შფოთვას და აგრესიას.
ავითარებს სოციალურ უნარებს – გუნდური სპორტი ასწავლის თანამშრომლობას, პატივისცემას და წესების დაცვას.
აძლიერებს ფსიქიკურ სტაბილურობას – ბავშვი სწავლობს წაგებასთან გამკლავებას და რთული ემოციების გადამუშავებას.
აძლევს ცხოვრებისეულ ენერგიას – სპორტი აუმჯობესებს ძილს, განწყობას და კონცენტრაციის უნარს.
ქმნის ხასიათს – მოთმინება, თავდაუზოგაობა და მიზანდასახულობა სპორტიდან იწყება.
საერთოდ სპორტი არ ზრდის მხოლოდ კუნთებს — ის აყალიბებს მტკიცე ხასიათს“, - წერს გიორგი ჩოგოვაძე.
ასევე დაგაინტერესებთ:
⭕20 ოქტომბრის ასტროპროგნოზი ჯანმრთელობა, სიყვარულისა და ბიზნესის მიმართულებით
