28 წლის შორენა ონიანი რამდენიმე თვის მშობიარობის შემდგომი გართულებებით გარდაიცვალა. შორენამ ქუთაისის მეორე სამშობიაროში იმშობიარა და ტყუპი ბიჭები გააჩინა, მაგრამ სამწუხაროდ, ამ ბედნიერებით ტკბობა ვერ შეძლო, მოულოდნელად, მისი მდგომარეობა დამძიმდა. არსებული ინფორმაციით, ახალნამშობიარებ ქალს სისხლდენა დაეწყო და დიდი რაოდენობით სისხლი დაკარგა. შემდეგ კი კომაში ჩავარდა. მას სასწრაფო ოპერაცია დასჭირდა და ქუთაისიდან თბილისში, ღუდუშაურის კლინიკაში გადაიყვანეს, სადაც ექიმები მის გადასარჩენად იბრძნოდნენ, ადამიანებმა შორენასთვის სისხლიც ჩააბარეს, მაგრამ მდგომარეობა ძალიან მძიმე აღმოჩნდა და ექიმებმა კომიდან მისი გამოყვანა ვეღარ შეძლეს.
შორენას მეუღლე, გიგა ცხელიშვილი სოციალურ ქსელში პერიოდულად აქვეყნებს ემოციურ პოსტებს და ფოტოებს, ამჯერად მეუღლესთან ერთად გადაღებულ ფოტოებს აქვეყნებს და წერს:
„როგორ მენატრები.“
ამჟამად გიგა ცხელიშვილი დედის გარეშე დარჩენილ ორ ტყუპს მარტო, ნათესავების დახმარებით ზრდის.
⭕ ასევე დაგაინტერესებთ:
⭕„დედის გინებას, ვერავის ვერ ვაპატიებ...“ - რას ჰყვება მიხეილ ცაგარელი?
⭕„ქალი კარგი კაცის ხელში ასე ბრწყინავს“ - შორენა ბეგაშვილი იტალიაში საყვარელ კაცთან ერთად ისვენებს
