ხვიჩა კვარაცხელია „ოქროს ბურთის“ დაჯილდოების ცერემონიის წითელ ხალიჩაზე მეუღლესთან ერთად გამოჩნდა. კვარა 2023 წლის „ოქროს ბურთის“ კანდიდატებში, 19 ფეხბურთელს შორის მოხვდა და საბოლოო სიაში მე-17 ადგილზე გავიდა. საუკეთესოები 2022/23 სეზონში გოლებით და საგოლე გადაცემების მიხედვით შეირჩა.
ქართველი ფეხბურთელის მორიგ წარმატებას სოციალურ ქსელში არაერთი გამოხმაურება მოჰყვა. ერთ-ერთი, რომელიც აღნიშნულ თემას ეხმაურება „მთავარი არხის“ დირექტორი ნიკა გვარამიაა.
მისი თქმით, ხვიჩა კვარაცხელია ათეულში ყველა ვარიანტში უნდა ყოფილიყო.
„საერთოდ არ ვარ კმაყოფილი: კვარაცხელია მე-17ზე და ოსიმენი მე-8ზე ძალიან უსამართლოა, ძალიან. კვარაცხელია ათეულში ყველა ვარიანტში უნდა ყოფილიყო, არ უნდა ამას ბევრი გნიასი“ - წერს ნიკა გვარამია.
🔵 აგრეთვე დაგაინტერესებთ:
🔵რა კადრებს აქვეყნებს ნიცა თავაძე „ოქროს ბურთის“ დაჯილდოვებიდან - ფოტოები
