ქართული ლიტერატურის მკვლევარი, ფილოლოგიის დოქტორი და ესეისტი გია მურღულია სოციალურ ქსელში მორიგ საინტერესო, შთამაგონებელ და ცხოვრებისეულ პოსტს აქვეყნებს:
„შეიძლება გიყვარდეს.
შეიძლება გძულდეს.
შეიძლება არაფრად მიგაჩნდეს.
რა თქმა უნდა, გარდამავალი საფეხურებიც არსებობს.
ეს გრძნობები ურთიერთმონაცვლეც არის - დროს შეუძლია გადაასხვაფეროს.
სფეროში ყველაფრის ადგილია, სიბრტყეზე - მხოლოდ ერთის.
დედამიწა და წუთისოფელი სფეროა.
თავისთვის მიგორავს უსასრულობაში.
კაცმა არ იცის - საით.
საზრისს ბევრი ეძებს და ძალიან ცოტა პოულობს.
ვინც პოულობს, მასშიც ცოცხლობს საწყისი შესაძლებლობა და არჩევანი - უყვარდეს, სძულდეს თუ არაფრად მიაჩნდეს.
გვეუბნებიან, რომ თუ შეგიძლია გიყვარდეს, ისიც გეცოდინება, საით მიგორავს დედამიწის ბორბალი შენიანად.
ვთქვათ, იცი - მერე?
მერე ის, რომ ახლა თუ პირველ წინადადებას დაუბრუნდები, ისიც გეცოდინება, იმ სამი შესაძლებლიდან რომელი აირჩიო.
ეს კარგია, რადგან ქცევამ შეიძლება განწყობა ვერ შექმნას, განწყობას კი შეუძლია ქცევა დაბადოს“, - წერს გია მურღულია.
ასევე დაგაინტერესებთ:
