2026 წლის 3 ოქტომბერს, „თბილისობის“ დღესასწაულთან დაკავშირებით გამართულ საზეიმო მიღებაზე, დედაქალაქის მერმა კახა კალაძემ 32 დამსახურებული მოქალაქე „საპატიო თბილისელის“ წოდებით დააჯილდოვა.
მათ შორისაა მიზანში მსროლელი, სამგზის ოლიმპიური მედლის მფლობელი, გინესის რეკორდსმენი ნინო სალუქვაძე, რომელსაც ინდური ხალხური მედიცინის „აიურვედას“ ექსპერტი არუნ ხათრი ულოცავს:
„ვულოცავ ჩვენს ლეგენდარულ ნინო სალუქვაძეს! ჩემთვის იგი უბრალოდ სპორტსმენი არ არის, ის მთელი თაობისთვის შთაგონების წყაროა. მას შემდეგ, რაც დავიბადე, ვუყურებ, როგორ წარმოადგენს საქართველოს მსოფლიოს ყველაზე დიდ სპორტულ სცენაზე.
ნინო სალუქვაძემ მონაწილეობა მიიღო 10 ზედიზედ ოლიმპიურ თამაშებში - 1988 წლის სეულიდან 2024 წლის პარიზამდე. ეს მართლაც უნიკალური მიღწევაა.
🏅 გუშინ მან კიდევ ერთი დიდი პატივი მიიღო - თბილისის საპატიო მოქალაქის წოდება. ეს ჯილდო ეკუთვნის ქალს, რომელმაც მთელი თავისი ცხოვრება საქართველოს სახელისა და ქართული დროშის ღირსეულად წარმოჩენას მიუძღვნა.
❤️ არ არსებობს იმაზე დიდი სიამაყის მომენტი, როცა შენი ქვეყნის დროშა მაღლა იწევა და იცი, რომ იქ შენი სამშობლოს წარმომადგენელი დგას. ნინო, შენ უამრავჯერ გვაამაყე საქართველოს სახელით. შენ მხოლოდ ჩემპიონი არ ხარ. შენ ხარ თავდადების სიმბოლო. შენ ხარ შეუპოვრობის სიმბოლო. შენ ხარ შთაგონება თითოეული ჩვენგანისთვის.
❤️ ვამაყობ, რომ საქართველო ჩემი სახლია. ვამაყობ შენით, ნინო! გილოცავ, ლეგენდავ! 🏆“, - წერს არუნ ხათრი.
შეგახსენებთ, რომ „თბილისობა 2026-ის“ ფარგლებში ჯილდოები მედიცინის, მეცნიერების, სპორტის, ხელოვნების, ლიტერატურისა და სხვა სფეროების წარმომადგენლებს დედაქალაქისა და ქვეყნის განვითარებაში შეტანილი განსაკუთრებული წვლილისთვის გადაეცათ.
ასევე დაგაინტერესებთ:
⭕„მადლობა თბილისს და ყველას, ვინც მომილოცა წოდება, რომელსაც ძნელად თუ რამე აღემატება“ - გია მურღულია
⭕ზოდიაქოს რომელმა ნიშნებმა უნდა დაიცვან საზღვრები და მოერიდონ დრამას 14 ნოემბრამდე?
