ცნობილი ნუტრიციოლოგი და კვების ფსიქოლოგი ნატა გაგუა, რომელიც ამბობს, რომ წონის კლება ნებისყოფის გამომუშავება კი არა, მოქნილი სისტემის შექმნაა, სოციალურ ქსელში ახალ პოსტს ავრცელებს, სადაც წერს, რომ დიეტების 90% იმიტომ სრულდება უშედეგოდ, რომ ჩვენ ვებრძვით შედეგს - წონას და არა მიზეზს, რომელიც ჩვენს ფსიქიკაშია დალექილი:
„შეწყვიტეთ შიმშილი. სხეული არ არის თქვენი მტერი. იცით, რატომ სრულდება დიეტების 90% უშედეგოდ?
იმიტომ, რომ ჩვენ ვებრძვით შედეგს - წონას და არა მიზეზს, რომელიც ჩვენს ფსიქიკაშია დალექილი.
თქვენი ზედმეტი წონა სისუსტე არ არის. ეს არის ჯავშანი. როცა ვაგროვებთ წყენას, შიშს და გამოუთქმელ ემოციებს -
„ფსიქოლოგიურ ტოქსინებს“ - სხეული იწყებს დაცვას და ქმნის ბუფერს გარე სამყაროსთან.
შეგიძლიათ ჭამოთ ზომიერად, მაგრამ თუ თქვენი შინაგანი ბავშვი თავს დაუცველად გრძნობს, კორტიზოლი ცხიმს მაინც შეინარჩუნებს.
ეს უკვე ფიზიოლოგიაა - არა ხასიათი, ამიტომ ტრანსფორმაცია იწყება არა თეფშზე, არამედ სარკეში საკუთარ თავთან გულწრფელი შეხვედრით და სწორედ ამის შემდეგ ხდება შესაძლებელი წონის კორექცია.
აი, სამი ფსიქოლოგიური გასაღები, რომელიც დაგეხმარებათ:
პირველი - დაასრულეთ ომი საკუთარ თავთან.
ნუ ეჩხუბებით სხეულს.
ადლერის პრინციპით, შეცვალეთ მიზანი:
არა „დაკლება“, არამედ თავისუფლება.
მეორე - გააცნობიერეთ შფოთვის მიზეზი.
რას გაურბიხართ ჭამის დროს - მარტოობას?
მოწყენილობას?
დაარქვით ემოციას სახელი და ის ძალას დაკარგავს.
მესამე - ძილი, როგორც წამალი.
ქრონიკული უძილობა ნიშნავს მეტაბოლურ დისბალანსს. მიეცით სხეულს დასვენების საშუალება და ნახავთ, როგორ დაიწყებს მეტაბოლიზმი აღდგენას.
წონა არ არის პრობლემა. წონა არის სიმპტომი და ახლა კითხვა: გაბედავთ გაიგოთ, რას გეუბნებათ თქვენი სხეული სინამდვილეში?“, - წერს ნატა გაგუა.
ასევე დაგაინტერესებთ:
