გიგრძნიათ ოდესმე, რომ ურთიერთობაში ელემენტარული ყურადღების თუ თბილი სიტყვის მოთხოვნა გიწევთ?
ხანდახან ვცდილობთ გავამართლოთ პარტნიორის გულგრილობა, მაგრამ სიმართლე გაცილებით მარტივი და ამავდროულად მწარეა...
ქცევის თარგმნა ძალიან ადვილია, თუ ილუზიებს გვერდით გადავდებთ.
არ არსებობს „მოუცლელი“, „დაკავებული“ ან „რთული ხასიათის“ კაცი. არსებობს მხოლოდ ქალი, რომელიც მისთვის ან მნიშვნელოვანია ან არა.
კაცი ზუსტად ისე გეპყრობა, რა ღირებულებაც გაქვს მის თვალში.
თუ ის ნამდვილად ხედავს შენს ფასს, ძალისხმევისა და ყურადღების ხვეწნა არ მოგიწევს. ის გაუფრთხილდება შენს სიმშვიდეს, პატივს სცემს შენს გულს და თავს უსაფრთხოდ გაგრძნობინებს ისე, რომ არც კი დაგჭირდეს იმის ახსნა, თუ რას ნიშნავს ეს.
ის შენს გვერდით იქნება არა მხოლოდ მაშინ, როცა მისთვის მოსახერხებელია, არამედ იმიტომ, რომ შენ ხარ მნიშვნელოვანი და უნდა შენთან ყოფნა, მაგრამ თუ ის შენში მხოლოდ ისეთ ადამიანს ხედავს, რომლის გამოყენებაც შეიძლება ან რომლის არსებობაც თავისთავად იგულისხმება, ამასაც მკაფიოდ იგრძნობ.
ის მხოლოდ მაშინ გიპასუხებს, როცა მოუნდება, მხოლოდ მაშინ იზრუნებს, როცა ეს მას აწყობს და საკუთარ ღირებულებაში დაგაეჭვებს თან დაგარწმუნებს, რომ ეს ყველაფერი უბრალოდ შენი ფანტაზიაა.
სწორედ ამიტომ არის მნიშვნელოვანი ყურადღება მიაქციო იმას, თუ როგორ გესაუბრება, რამხელა ძალისხმევას იჩენს და როგორ გრძნობ თავს მის გვერდით.
ეს არ არის წვრილმანები ეს არის თავად სიმართლე, რომელიც თავს იჩენს აუცილებლად რაღაც ეტაპზე და თან მტკივნეულად.
ასევე დაგაინტერესებთ:
