ერთა ლიგის პლეი-ოფის საპასუხო მატჩში საქართველოს ნაკრებმა სომხეთი 6:1 დაამარცხა, შეხვედრის დასრულების შემდეგ კი „დინამო არენაზე“ არეულობა დაიწყო. გულშემატკივართა ნაწილი მოედანზე გადავიდა და ზეიმი დაიწყო, ხოლო ზოგიერთ მათგანს სტუმართა გუნდის ქომაგებთან კონფლიქტი მოუვიდა.
მომღერალი აჩიკო ნიჟარაძე მომხდარს ეხმაურება და სოციალურ ქსელში სტატუსს აქვეყნებს:
„ჩვენ ბიჭებს და საქართველოს ვულოცავ გუშინდელ გამარჯვებას.
ბოლოს რაც მოხდა იყო ნამდვილად სამარცხვინო, არა ადამიანური და არა ქართული. ამ ქმედების გამო, იმ ხალხს ვისაც არც გულშემატკივრობა ეშლება და არც სტუმრის პატივისცემა, ძალიან დიდი შანსია რომ დაჯარიმდეს და მომდევნო უფრო მნიშვნელოვანი თამაში გულშემატკივრის გარეშე ჩაგვატარებინონ. ამიტომ უნდა იყოს ჯარიმა ამ ძალიან სამარცხვინო საქციელზე. რომ აღარ გაბედოს არავინ სტადიონზე გადასვლა.
სტადიონის ინვენტარის დაზიანება რა სიქაჯეა და რა სიგოიმეა. დროშების მოგლეჯვა. მერე ბოთლების სროლა. ჯუნგელბში გაიზარდა ეს ხალხი?
მოედანზე ბიჭების დამოკიდებულება და კარგი განწყობა მოწინააღმდეგის მიმართ იყო შესამჩნევად კარგი. რატო აპირისპირებთ ყველას ერთმანეთთან ?“, - წერს აჩიკო ნიჟარაძე.
⭕ ასევე დაგაინტერესებთ:
⭕ გუდაური(ფოსტა)-კობის მონაკვეთზე ტოტრანსპორტის მოძრაობა აღდგა
