გარდაიცვალა ქართული თეატრისა და კინოს გამორჩეული მსახიობი მიხეილ გომიაშვილი. სამწუხარო ამბავს სოციალურ ქსელში კოლეგა მიშა მესხი ეხმიანება და მეგობარს ემოციური სიტყვებით ემშვიდობება.
„ჩემო მიშა, რამდენიმე საათის უკან გავიგე შენი წასვლის ამბავი. ჩემო მიშა, შენ ის ბიჭი ხარ, რომელმაც დაამწუხრა ყველა, ვინც გიცნობდა და ვინც არ გიცნობდა.
მარტო იმის გამო არა, რომ დიდი არტისტი ხარ, დიდი ძმაკაციც ხარ, დიდი ქართველიც ხარ, მაგარი გვერდზე მდგომიც. კამერის წინ ბევრჯერ მოგვიწია დგომა, მაგრამ კამერის მიღმაც მახსოვს ამბები, სადაც დავინახე ის ნამდვილი მიშა, რომელმაც ესე შემაყვარა თავი, ბევრჯერ მინახავს როგორ დადგომიხარ გვერდში სრულიად უცნობ ადამიანებს.
ვიცი როგორი სათუთი იყო შენთვის მამის სიკაშკაშე, მაგრამ არასდროს არ ყოფილხარ მის ჩრდილში.
იმიტომ, რომ შენ თვითონა ხარ გომიაშვილი I Dios AMIGO“ , -წერს მიშა მესხი.
აგრეთვე წაიკითხეთ👇
🔵კრიმინალური ვენდეტა ოზურგეთში - რა წერია წერილში, რომელიც დაჭრილის საძინებლიდან ამოიღეს
