დახვეწილი ესთეტიკა და ვინტაჟური განწყობა - კრისტი ყიფშიძის გლამურული ლუქი

1790835737

ქართველი მოდელი კრისტი ყიფშიძე სოციალურ ქსელში მორიგ შთამბეჭდავ და ელეგანტურ ფოტოსესიას აქვეყნებს. ვინტაჟურ ინტერიერში, ანტიკვარულ პიანინოსთან გადაღებულ ფოტოებში, მოდელი წითელ კაბაში პოზირებს.

ფოტოსესიაში ყურადღებას იპყრობს კრისტი ყიფშიძის დახვეწილი გემოვნება და არისტოკრატული იმიჯი. წითელი კაბის მკვეთრ ფერს იდეალურად ერწყმის ვინტაჟური შავი პიანინო და თეთრი კედლები, რაც კადრებს განსაკუთრებულ, კინემატოგრაფიულ განწყობას სძენს.

მოდელმა ფოტოები „ინსტაგრამის“ პირად გვერდზე გააზიარა. გამომწერებმა კრისტი კიდევ ერთხელ შეამკეს კომპლიმენტებით მისი უცვლელი სილამაზისა და გამორჩეული სტილის გამო:

„ნამდვილი ქალი-ცეცხლი, საოცრად უხდება ეს ფერი და სტილი!“,

„ყოველთვის ასეთი დახვეწილი, ელეგანტური და ულამაზესი“,

„კინოს კადრებს ჰგავს, საოცარი ესთეტიკაა“, - წერენ კომენტარებში.

ცნობისთვის, კრისტი ყიფშიძე ქართული სამოდელო სფეროს ერთ-ერთი ყველაზე ცნობილი და წარმატებული სახეა. მან კარიერა 90-იან წლებში დაიწყო და წლების განმავლობაში წამყვან დიზაინერებთან, მოდის სახლებთან და ჟურნალებთან თანამშრომლობდა.

გარდა სამოდელო საქმიანობისა, კრისტი აქტიურადაა ჩართული სხვადასხვა ტელეპროექტსა და მოდის ინდუსტრიის ღონისძიებაში. იგი სოციალურ ქსელშიც განსაკუთრებული პოპულარობით სარგებლობს და გამომწერებს ხშირად უზიარებს გამორჩეულ ფოტოსესიებსა და სტილისტურ იდეებს.