მომღერალი გიორგი გილიგაშვილი ჟურნალ „სარკესთან“ ჯანმრთელობის მდგომარეობაზე საუბრობს და ამბობს, რომ მალე თურქეთში გაემგზავრება და ოპერაციის შემდეგ პირველ კვლევებს ჩაიტარებს.
„როგორც უნდა მიდიოდეს ჩემი ჯანმრთელობის აღდგენა, ღვთის წყალობით, ისეც მიდის და ჰორმონების დოზა რაც უნდა იყოს, დამირეგულირდა. მალე კი ისევ თურქეთში მივდივარ, რომ პირველი სამედიცინო შემოწმება გავიარო ოპერაციის შემდეგ. მეტყვიან, რადიაციული იოდის მეორე დასხივება დამჭირდება თუ არა.
ვიმედოვნებთ, რომ არ დამჭირდება და მეტასტაზები აღარ იქნება დარჩენილი. მხოლოდ მცირე, 10% არსებობს, რომ რამე იყოს.
მეც თავს იმდენად კარგად ვგრძნობ, იმედია, არ დამჭირდება. ხმაც ნელ-ნელა მომივიდა და შემიძლია, პირველ რიგში, ვისაუბრო და ვიმღერო კიდეც. მოხარული ვარ, რომ ღვთის წყალობით, დაბალ ტონში სიმღერაც შემიძლია…“, - აღნიშნა გიორგი გილიგაშვილმა.
🔘აგრეთვე წაიკითხეთ:
🔘„გინეკოლოგმა შემომითვალა, თამუნა არ ჩამოვიდეს, თორემ ვესვრიო“ - რას ჰყვება თამუნა მუსერიძე
