ქართველი რეჟისორის, მარიამ ხაჭვანის მოკლემეტრაჟიანი მხატვრული ფილმი „მემკვიდრეობითი სიჩუმე“ {Inherited Silence} ოფიციალურად ჩაერთო 2027 წლის „ოსკარის“ რბოლაში - Live Action Short Film-ის კატეგორიაში.
ფილმმა ამერიკის კინოაკადემიის ჯილდოზე კვალიფიკაცია Tampere Film Festival-ზე მოპოვებული მთავარი პრიზის Grand Prix წყალობით მიიღო. სურათი უკვე განთავსებულია Academy Screening Room-ზე, სადაც კინოაკადემიის წევრებს მისი ნახვისა და შეფასების შესაძლებლობა აქვთ.
„ეს ჩემთვის და მთელი გუნდისთვის ძალიან მნიშვნელოვანი ეტაპია, რადგან მსოფლიო მასშტაბით მხატვრული მოკლემეტრაჟიანი ფილმის კატეგორიისთვის საბრძოლველად მხოლოდ 100-დან 200-მდე ფილმი ერთვება“, - წერს მარიამ ხაჭვანი სოციალურ ქსელში.
რეჟისორი მადლობას უხდის გადამღებ ჯგუფს, მსახიობებს, ჯვარის {წალენჯიხის მუნიციპალიტეტის} მოსახლეობასა და ყველა იმ ადამიანს, ვინც პროექტის განხორციელებასა და მხარდაჭერაში იღებდა მონაწილეობას.
„ოსკარის“ Shortlist-ი, სადაც საუკეთესო 15 ფილმი შეირჩევა, ოფიციალურად 2026 წლის 15 დეკემბერს გამოცხადდება.
