„მეც მქონია ერთჯერადი ურთიერთობები, უცხოეთშიც და საქართველოშიც, მაგრამ ასეთი რამეები ჩემთვის უკვე აღარ არის საინტერესო“ - ბორის ბედია

გთავაზობთ ამონარიდს ინტერვიუდან:

– მორიელი მამაკაცები ადვილად იპყრობენ ქალის გულს, უყვართ მათთვის სიურპრიზების გაკეთება და ამისთვის ფულს არ იშურებენ…

– მხოლოდ ფული არ არის მნიშვნელოვანი, მთავარია, ადამიანი მოგეწონოს და მასაც მოეწონო. მორიელობა არ ნიშნავს, რომ მაინცდამაინც ფულს იყენებ ქალის გული მოსაგებად. მე მჯერა ზოდიაქოსი, მაგრამ მაინც ყველაფერი ინდივიდუალურია, ზოგი ასეთია, ზოგი – ისეთი.

რაც შეეხება ქალის გულის ადვილად დაპყრობას, ესეც ინდივიდუალურია. მე მომღერალი ვარ და შეიძლება, ზოგის გული დავიპყრო, ზოგის კი – ვერა. ყველასთვის საყვარელი ვერ იქნები. არც არის საჭირო, ყველას უყვარდე. მთავარია, ვისაც საჭიროა, იმას ვუყვარდე. თუ ვიღაცებს არ ვუყვარვარ, ეს არ არის პრობლემა. მთავარი ერთი რამ არის – შეიძლება, ადამიანი არ გიყვარდეს, მაგრამ ზოგადად, თუ მისთვის კარგის გაკეთება არ შეგიძლია, ცუდი, მით უმეტეს, არ უნდა გაუკეთო.

– ვერ იტანენ უარს და არ მიდიან კომპრომისზე…

– მოდი გულახდილად ვთქვათ, მოგეწონა ადამიანი და მას არ მოეწონე, რა თქმა უნდა, ეს არ გესიამოვნება, მაგრამ როცა ვხვდები, რომ ადამიანს არ მოვწონვარ, მეც აღარ მომწონს, ვკარგავ მის მიმართ ინტერესს. თუ ის ვერ ხედავს ან აიგნორებს ჩემს კაცობას, მაშინ ჩემგანაც იგნორს მიიღებს. ვისაც ვუყვარვარ, მეც მიყვარს. ყოველთვის ვცდილობ, ადამიანს სიკეთეში გავეჯიბრო.

თუ ადამიანი იტყვის, რომ ცხოვრებაში უარი არ მიუღია, ესე იგი, მაგრად იტყუება, მაგრამ უარის გამო არ უნდა დაიბოღმო და არ გაბოროტდე.

– მათთვის ცხოვრებაში პირველ ადგილს სექსი იკავებს.

– რა თქმა უნდა, ეს უპირველესი არა, მაგრამ ერთ-ერთი სერიოზული პირობაა. ერთ-ერთი იმიტომ, რომ ადამიანთან ურთიერთობას პირდაპირ სექსით ვერ დაიწყებ. ჯერ უნდა გაიცნო, დაუმეგობრდე, მერე მერე მოდის სიყვარული, სექსი და ასე შემდეგ. ამის გარეშე, აბა, როგორ, ცხოველები ხომ არ ვართ?! ადამიანები ვართ. ერთჯერადი ურთიერთობები კი, რა ვიცი, გასართობი ცენტრი ხომ არ არის. კი, როგორ არა, მეც მქონია ერთჯერადი ურთიერთობები, უცხოეთშიც და საქართველოშიც, მაგრამ ასეთი რამეები ჩემთვის უკვე აღარ არის საინტერესო.

ახლა ვცდილობ, ჩემი მეორე „მე“ ვიპოვო, შევხვდე ადამიანს, რომელიც ჩემი თანამგზავრი იქნება. უფრო ოჯახისკენ ვიხრები, მეოჯახე ტიპაჟი ვარ და ამ ასაკში, ჯანსაღ და წმინდა ურთიერთობებს ვანიჭებ უპირატესობას. ყველა ასაკს თავისებური შეხედულებები ახასიათებს. სად 20-25 წლის და სად 35 წლის ადამიანის ფიქრები“, – აღნიშნავს ბორის ბედია.

ბორის ბედიას ინტერვიუს სრულად იხილავთ ჟურნალ „თბილისელების“ 19-25 აგვისტოს ნომერში.

⭕ ასევე დაგაინტერესებთ:

⭕სამტრედიაში 25 წლის კაცმა 62 წლის ქალი მოკლა

⭕ვინ იყო ქართველი, რომელსაც Porsche 911-ის შექმნაში დიდი წვლილი მიუძღვის?

⭕„შენ გერქვა ეჭვით გატანჯული უნდო საცოლე...“ - რას წერს გიორგი კეკელიძე?

წყარო: fortuna.ge