ზაფხულში ყველგან ისმის რჩევა, რომ გარეთ გასვლისას თეთრი ფერის ტანსაცმელი უნდა ჩავიცვათ, რადგან ეს ფერი ნაკლებად აცხელებს სხეულს. თუმცა, გარდა ფერისა, ჩვენთვის ხშირად ვიზუალიც ძალიან მნიშვნელოვანია. ყველას გვინდა გრილად, კომფორტულად და ტრენდულად გამოვჩნდეთ, განსაკუთრებით – ზაფხულის ცხელ დღეებში.
ქართველ ცნობილებსაც ესმით, რომ მოდის ტენდენციებთან ერთად კომფორტი და სიგრილე მნიშვნელოვანი კომპონენტია. სწორედ ამიტომ, მათ ზაფხულის პერიოდში სხვადასხვა მსუბუქი და სტილის მიმცემი ლუქები მოირგეს, რომლებიც სიგრილესთან ერთად გამოირჩევა ტრენდულობითა და ელეგანტურობით.
„დაიჯესტი“ გთავაზობთ 7 ლუქს, რომელიც ქართველმა სელებრითებმა მოირგეს, შეფასება თქვენთვის მოგვინდვია.
მოდელი და ტელეწამყვანი მარიამ სანოგო ზაფხულის ერთ-ერთ ყველაზე ეფექტურ და შთამბეჭდავ ლუქს ირჩევს. მან წითელი ფერის გრძელი აბრეშუმის კაბა მოირგო, რომელიც იდეალურად მოერგო როგორც სეზონის სითბოს, ასევე მისი ბუნებრივი ელეგანტურობის ხაზგასმას.
კაბის მბზინავი ტექსტურა და გამოკვეთილი სილუეტი მარიამს დახვეწილ და მკაფიო იერს აძლევს. წითელი ფერი – როგორც ვნებისა და ენერგიის სიმბოლო – არაჩვეულებრივად ერწყმის მის სტილს და ქმნის განწყობას, რომელიც ზაფხულის სითბოსთან ერთად მოდის სითბოსაც ასხივებს.
ამ ლუქით მარიამი კიდევ ერთხელ ადასტურებს, რომ კლასიკური სიმარტივე და ელეგანტურობა ყოველთვის მოდაშია.
ტელეწამყვანი თიკა ფაცაცია თავისი გამორჩეული სტილით კიდევ ერთხელ მოექცა საზოგადოების ყურადღების ცენტრში. ამჯერად მან ზაფხულის ერთ-ერთ ლუქად თეთრი ფერის ჰაეროვანი კაბა შეარჩია, რომელიც იდეალურად ერწყმის სეზონის სიგრილესა და სიმარტივეს.
თიკამ ლუქი ფერადი თასაბურავით გაახალისა, რაც მის ჩაცმულობას კიდევ უფრო დინამიკურ და მხიარულ იერს აძლევს.
მოდელი ჯანეტ ქერდიყოშვილი შავი ელეგანტურობით ზაფხულშიც გამორჩეულია.
მიუხედავად იმისა, რომ შავი ტრადიციულად ცივ სეზონებთან ასოცირდება, ჯანეტმა დაამტკიცა, რომ სწორად შერჩეული მასალა და ფორმა ამ ფერს ზაფხულშიც აქტუალურს და ეფექტურს ხდის.
მისი ლუქი კიდევ ერთხელ აჩვენებს, რომ მინიმალიზმი, მკვეთრი ფერი და თავდაჯერებული გამოსახულება - იდეალური კომბინაციაა.
ტელეწამყვანი ეკო ფანგანი, რომელიც ყოველთვის გამორჩეულია თავისი ფორმითა და გემოვნებით.
მან ზაფხულის ერთ-ერთ ლუქად ყავისფერი ტონში გრძელი კაბა შეარჩია, რომელიც არა მხოლოდ სეზონის მოთხოვნებს, არამედ მის ინდივიდუალურ სტილსაც იდეალურად შეესაბამება. ეკო ფანგანი კიდევ ერთხელ ამტკიცებს, რომ სიმარტივე ხშირად ყველაზე დიდი ეფექტის მომტანია.
მოდელი სალომე ღვინიაშვილი წლებია, მოდის სამყაროში გამორჩეული სტილით და დახვეწილი გემოვნებით არის ცნობილი. ის ყოველთვის ყურადღებას იპყრობს ორიგინალური ლუქებით და თანაბრად ერგება როგორც თანამედროვე ტენდენციებს, ისე საკუთარ სტილს.
ზაფხულის ცხელ დღეებში სალომე უპირატესობას ღია ფერის სამოსს ანიჭებს - ფერებს, რომლებიც სიგრილესთან ერთად სიმსუბუქეს და სინაზეს ასახავს. ხშირად ირჩევს თეთრ, კრემისფერსა და პასტელურ ტონებს, რაც მის ლუქებს კიდევ უფრო ელეგანტურსა და ჰაეროვანს ხდის.
დიზაინერი მაკა კვიციანი თავისი გამორჩეული გემოვნებითა და დახვეწილი სტილით საზოგადოებაში დიდი მოწონებით სარგებლობს.
მაკამ ამჯერად ყვავილებიანი პრინტით კაბა მოირგო - ჰაეროვანი, ფერადი და სეზონის განწყობაზე მორგებული. ის კაბაში ბუნებრივად და თან მოდურად გამოიყურება, რაც კიდევ ერთხელ უსვამს ხაზს მის უნარს, კლასიკაც და თანამედროვე ტრენდიც გლამურულად შეახამოს.
მომღერალი და ახლა უკვე ტელეწამყვანიც, მაკა ზამბახიძე ხშირად ანიჭებს უპირატესობას ღია ფერის ტანსაცმელს, რაც მის ბუნებრივ ელეგანტურობასა და მხიარულ ხასიათს კიდევ უფრო კარგად უსვამს ხაზს.
ერთ-ერთ წვეულებაზე მაკამ ტანზე გამოყვანილი ღია ფერის კაბა მოირგო, რომელიც მის სილუეტს იდეალურად მოერგო და მთლიანი ლუქი მოდურად და დახვეწილად წარმოაჩინა.
⭕ ასევე დაგაინტერესებთ:
⭕„შენ ხარ ჩვენი სიხარული და უსაზღვრო სიყვარული“ - გიორგი ძოწენიძის ემოციური პოსტი იუბილარ ქალიშვილს
⭕„საუკეთესო მშობლები“ - სოფია კვინიკაძე მეუღლესთან ერთად გადაღებულ კადრებს აქვეყნებს
