მსახიობი ნატალი პორტმანი მუსიკოს ტანგი დესტაბლთან, რომელიც სასცენო სახელით Tepr არის ცნობილი, ურთიერთობის შესახებ იშვიათ კომენტარს აკეთებს. მსახიობმა პირად ცხოვრებაზე ჟურნალ Harper’s Bazaar-თან ინტერვიუში ისაუბრა.
ინტერვიუს დროს ჟურნალისტმა 45 წლის მსახიობს ჰკითხა, რამდენად სასიამოვნოა, იყო ურთიერთობაში უკვე ჩამოყალიბებული, ზრდასრული ადამიანის სტატუსით.
„დიახ, ძალიან სასიამოვნოა“, - უპასუხა პორტმანმა.
პორტმანი საკუთარ ურთიერთობაზეც ალაპარაკდა და განმარტა, რომ მისთვის ბედნიერი ურთიერთობის საფუძველი სულაც არ არის რთული.
„მჯერა, რომ ყველაფერი ძალიან მარტივია: მთავარია, იყო კეთილი, მოსიყვარულე და შეგეძლოს სიცილი. მხოლოდ ეს არის მნიშვნელოვანი. სწორედ ამ ასაკის ხიბლიც ესაა. თუ ურთიერთობა ასეთი არ არის, მასზე დროს აღარ დავხარჯავ“, - განაცხადა მან.
შეგახსენებთ, რომ მსახიობს ორი შვილი - ალეფი და ამალია ჰყავს ყოფილ ქმართან, ფრანგ ქორეოგრაფ ბენჟამენ მილპიესთან, აკავშირებს. ალეფი 2011 წლის ივნისში დაიბადა, ამალია კი - 2017 წლის თებერვალში.
ნატალი პორტმანი და ბენჟამენ მილპიე 2023 წელს დაშორდნენ, განქორწინება კი 2024 წელს ოფიციალურად დასრულდა. მსახიობმა და მუსიკოსმა ტანგი დესტაბლმა ურთიერთობა 2025 წლის მარტში, გამოცემა People-თან დაადასტურეს.
⭕ ასევე დაგაინტერესებთ:
⭕„დავბრუნდი იქ, სადაც ყველაფერი დაიწყო“ – რა კადრებს გვიზიარებს ილია თოფურია
წყარო: www.harpersbazaar.com
