მომღერალი ნანი ბრეგვაძე, 21 ივლისს 89 წლის გახდა.
მან აჭარის საზოგადოებრივ მაუწყებელს ინტერვიუ მისცა, სადაც სხვადასხვა საინტერესო თემაზე ისაუბრა, ერთ-ერთი თემა კი სწორედ ასაკი იყო.
„უკვე ვეჩვევი, რომ მე იქით უნდა წავიდე. არ მინდა რასაკვირველია წასვლა და სულ, ყოველ წელს ვეხვეწები ღმერთს - „კიდევ ერთი წელიწადი მაჩუქე“.
მიუხედავად იმისა, რომ რაღაცები მაწუხებს, როგორ შეიძლება არ გტკიოდეს და რაღაც არ გაწუხებდეს ფიზიკურად, მაგრამ მე ძალიან მიყვარს სიცოცხლე, ძალიან მიყვარს ხალხი.
ძალიან ვწუხვარ იმაზე, რომ ჩემ გვერდით ის მეგობრები აღარ არიან, რომლებიც მავსებდნენ და ჩემ ცხოვრებას ალამაზებდნენ.
მეგობარს სხვა ადგილი უკავია ცხოვრებაში, ის სხვა განზომილებაა, სხვა დამოკიდებულება გაქვს მასთან“, - ამბობს მომღერალი.
⭕ ასევე დაგაინტერესებთ:
⭕როგორი ამინდი იქნება დღეს საქართველოში - ტემპერატურა ქალაქების მიხედვით
