📸 „ვარსკვლავური გარეგნობა ჰქონდა თავიდანვე...“- ია ფარულავა ახალგაზრდობის ფოტოებს აქვეყნებს

ცნობილი ქართველი მსახიობი, ტელეწამყვანი ია ფარულავა 57 წლისაა. მისი სამსახიობო კარიერა 12 წლის ასაკიდან დაიწყო, როდესაც მან რეჟისორ თენგიზ მაღალაშვილის ფილმში „ძნელი დასაწყისი“ (1981) ობოლი გოგონას — თიკოს როლი ითამაშა. ამის შემდეგ მსახიობმა მრავალ ფილმში მიიღო მონაწილეობა, რომელმაც საყოველთაო აღიარება მოუტანა. ესენია: „ფესვები“, „სპირალი“ და სხვა. 

ია ქართულ საზოგადოებაში ყველასთვის საყვარელი ფიგურაა და ერთნაირად უყვარს ახალი და ძველი თაობის წარმომადგენლებს.  მის პოსტებს თუ ფოტოებს სოციალურ ქსელში ყოველთვის დიდი გამოხმაურება აქვს.

ამჯერად ია გამომწერებს, ახალგაზრდობის ფოტოებს უზიარებს, რომელიც ბათუმში 1987 წელს არის გადაღებული.