თბილისში 31 წლის კაცმა ყოფილი ცოლი სასტიკად მოკლა და კვალის დაფარვის მიზნით ხევში გადააგდო.
გამოძიებით დადგინდა, რომ ბრალდებულმა საკუთარ ავტომობილში, ურთიერთშელაპარაკების ნიადაგზე, ყოფილი მეუღლე 27 წლის მარიტა მაზიაშვილი თოკით გაგუდა.
„მთავარმა არხმა“ დაადგინა კაცის ვინაობა, ვინც სასტიკი დანაშაულის ბრალდებითაა დაკავებული იგი 31 წლის ნიკოლოზ ლაჩაშვილია.
მათივე ცნობით, ეჭვმიტანილი საკუთარი ბინიდან აიყვანეს სამართალდამცველებმა.
მეზობლების ინფორმაციით, ისინი აღნიშნულ კაცის ოჯახს არ იცნობდნენ, რადგან მათი თქმით ახალი გადასულები იყვნენ.
„ბრალდებულმა დანაშაულის დაფარვის მიზნით, ცხედარი მეორე დღეს ნაქირავები ავტომობილის საბარგულში მოათავსა, გლდანის ციხის მიმდებარე ტერიტორიაზე მივიდა და ხევში გადააგდო“, - აღნიშნულია შსს-ს მიერ გავრცელებულ ინფორმაციაში.
რაც შეეხება გარდაცვლილის ცხედარს, ის სამხარაულის ექსპერტიზის ბიუროშია გადასვენებული.
იმ შემთხვევაში თუ მამაკაცს ბრალი დაუმტკიცდება, 16 წლით თავისუფლების აღკვეთა ან უვადო პატიმრობა ემუქრება.
„მთავარი არხის“ ინფორმაციით გარდაცვლილ ქალს მცირეწლოვანი შვილები დარჩა.
ამავე თემაზე:
🔵ვინ არის ქალი, რომელიც ყოფილმა ქმარმა მოკლა და ხევში გადაადგო? - დანაშაულის ახალი დეტალები
