„დაიჯესტის“ ბლიც-ინტერვიუს მორიგი სტუმარი პოლიტიკოსი - ეკა ბესელიაა.
ეკა ბესელია ანუ... ქალი იურისტი და ამ ქვეყნის აქტიური მოქალაქე.
რით ხართ ცნობილი... პირველ რიგში საზოგადოებამ გამიცნო ჩემი პროფესიით, როგორც ადვოკატი, შემდეგ კი პოლიტიკოსი.
ბავშვობის მიზნები... განსაკუთრებული და მძაფრი დამოკიდებულება მქონდა უსამართლობის მიმართ და გამიჩნდა იდეა, ჩემი პროფესია ახლოს ყოფილიყო სამართლიანობის დაცვასთან და მივაგენი.
მაღიზიანებს...შეურაცხყოფა, გაუნათლებლობა, უკულტურობა და უპასუხისმგებლობა.
ფრაზა, რომელსაც ყველაზე ხშირად ვიყენებ.... 1. სამართლიანობა ყველასთვის და ყველაფერში. 2. ესეც გაივლის.
ყველაზე აბეზარი შეკითხვა ადამიანებისგან... გვეშველება რამე?
ჩემი საუკეთესო მრჩეველი... დედა, ჩემი მოძღვარი და პროფესიულად - მინდია უგრეხელიძე და ნანო ჩაჩუა.
90-იანებიდან ყველაზე მეტად რისი გახსენება გთრგუნავთ?... მხედრიონის პერიოდი და სამოქალაქო ომი რუსთაველზე, პარლამენტის წინ, ახლოს ვცხოვრობდი და ყოველდღე მიწევდა ყურება ამ ომის, რაც იყო საშინლად დამთრგუნველი.
ყველაზე სკანდალური ჭორი, რაც ჩემ შესახებ გამიგია... ყველაზე არაფრის მთქმელი ჭორები ძირითადად ჩემს ბიზნეს საქმიანობას უკავშირდება, თუმცა ცხოვრებაში არასოდეს მქონია არანაირი ბიზნესი. მაგალითად მაღაზია „2 ნაბიჯი“ გავიგე, რომ ჩემი ყოფილა, ასევე ფოთის პორტი. ასევე 2020 წლის არჩევნებში გავრცელდა ჭორი, რომ თიანეთის ერთ-ერთ სოფელს წყალი გადავუკეტე.
ნივთი, რომლის გარეშეც ვერ ვძლებ... ტელეფონი.
ბოლო წიგნი, რომელიც წაიკითხეთ... ნინო სამყურაშვილის წიგნი - ჯავშანი.
რაზე ფიქრობთ, როცა მანქანაში მარტო ხართ?... საქმეებზე.
რა არის ბოლო საჩუქარი, რაც სხვა გაუკეთე?... 2 დღის წინ ჩემს მეგობარს ვაჩუქე შარფი.
ღმერთს რომ შეხვედროდით,რას ჰკითხავდით?... პირველ რიგში ყველაფრისთვის მადლობას ვეტყვი და ვკითხავდი, „და ახლა, ამის მერე რა ხდება?“
ყავა თუ ჩაი... რა ისტორიას გაიხსენებდით... ყავა. წლების განმავლობაში არ ვსვამდი ყავას და როდესაც, გოგო გამიჩნდა მაშინ დავიწყე ყავის დალევა. ახლა კი ჩემი დილა ყოველთვის ყავით იწყება.
ვთქვათ, მოგიყვანეს ძროხა, რომლის არც გაჩუქების უფლება გაქვს და არც გაყიდვის. რას გააკეთებდი მასთან ერთად?... დედაჩემთან ერთად გავზრდიდი, მოვუვლიდით, დავაპურებდით და გვექნებოდა სოფლის ნობათი.
ინტერვიუ სრულდება... წარმოიდგინეთ, გარეთ გადიხართ და დერეფანში პოულობთ ლატარიის ბილეთს, რომლის შედეგადაც მილიონ დოლარს იგებთ. რას იზამდით?.... მართლმსაჯულების სახლს საკუთარ შენობას შევუძენდი, და აუცილებლად ავაშენებდი კარგ სახლს მოხუცებისთვის და მიუსაფარი ბავშვებისთვის.
წინა სტუმარმა, აჩი არველაძემ დაგიტოვათ კითხვა: გვეშველება რამე?... ჯერ ჩვენ უნდა ვუშველოთ საკუთარ თავს, რომ გადავრჩეთ, როგორც პიროვნება და შემდეგ ვუშველით გვერდით მყოფ ადამიანს. ამით კი ეშველება ყველაფერს.
აგრეთვე დაგაინტერესებთ ⤵️
ღმერთს რომ შევხვდები, მინდა ვუთხრა... ბლიც-ინტერვიუ გია ჯაჯანიძესთან
ცხოვრების მთავარი მიღწევა, სკანდალური ჭორი და ბავშვობის ოცნება - ბლიც-ინტერვიუ აჩი არველაძესთან
