თბილისის სახელმწიფო სამედიცინო უნივერსიტეტის პირველი საუნივერსიტეტო კლინიკის დირექტორმა ლევან რატიანმა „რუსთავი 2“-ის ეთერში პაციენტისა და ექიმის დამოკიდებულებაზე ისაუბრა.
„ხელის შეხებას დიდი მნიშვნელობა აქვს, იმ ენერგეტიკას, რომ პაციენტი შენკენ წამოიყვანო... ამდენი წელია რეანიმაციაში ვარ და ვიცავ ყველა ჰიგიენურ ნორმას, რაც პროტოკოლითაა მოწოდებული, მაგრამ არასდროს ვსინჯავ პაციენტს ხელთათმანით, არც კოვიდპაციენტს. პირველად როცა ვსინჯავ, არასდროს ვიყენებ ხელთათმანს.
ერთმა მითხრა, მინდა ჩაგეხუტოო, ჩამოვიხსენი ქუდიც და პირბადეც, შეიძლება შეცდომა დავუშვი და ვიღაცებმა რაღაცები თქვან, მაგრამ ეს ჩემთვის და მისთვის სიცოცხლის გაგრძელებას ნიშნავდა - ეს 91 წლის ქალბატონი გაეწერა, რომელსაც საქართველოში არც ერთი შვილი არ ჰყავდა. ეს გავაკეთე და დაავადება არ გადამედო“, - განაცხადა ლევან რატიანმა.
ასევე დაგაინტერესებთ👇
🔵„ვერ არის საქმე კარგად. გაიცანით ახალი მუტირებული კოვიდ ვარიანტი“ - გიორგი ფხაკაძე
🔵„მენატრები… მაკლიხარ… ვიტანჯები უშენოდ“ - ვისზე წერს ნანუკა გულუა
