„მიმდინარე თვე ძლიერი მაგნიტური ქარიშხლების და მცირე გეომაგნიტური აღშფოთებების სიმრავლით გამოირჩევა“, - ნათქვამია მზის რენტგენული ასტრონომიის ლაბორატორიის საიტზე. სპეციალისტების ცნობით, თებერვალი საკმაოდ მძიმე გამოდგება მეტეოდამოკიდებული ადამიანებისთვის, რომლებიც ატმოსფეროში უმცირეს ცვლილებებზეც კი რეაგირებენ.
თებერვლის მაგნიტური ქარიშხლების კალენდარი ასე გამოიყურება:
მაგნიტური დღეები 2022 წლის თებერვალში pic.twitter.com/7nMqzjIwCl
— dada (@dadababako1966) February 1, 2022
2 თებერვალი — G1 სიმძლავრის ქარიშხალი. 3 თებერვალს მისი სიძლიერე შესუსტდება და მომდევნო დღისთვის 2 ბალს დაუბრუნდება;
5 თებერვალი — მოსალოდნელია კვლავ G1 სიმძლავრის მაგნიტური ქარიშხალი;
10 თებერვალი — მაგნიტოსფეროს აღშფოთება 4 ბალს მიაღწევს;
18 და 25 თებერვალს — ასევე 4-4 ბალი.
11, 17, 19, 21, 22, 24, 26,27 და 28 თებერვალი — მოსალოდნელია მაგნიტოსფეროს 3-ბალიანი აღშფოთებები.
მეცნიერების თქმით, გასათვალისწინებელია ის ფაქტი, რომ მზე ცვალებადობით ხასიათდება და მისი აქტიურობის პროგნოზი შესაძლოა მოულოდნელად შეიცვალოს კიდეც.
რეკომენდაციები ექიმებისგან, როგორ შევამსუბუქოთ მაგნიტური ქარიშხლების გავლენა ჯანმრთელობაზე:
დაწექით დასაძინებლად შეძლებისდაგვარად ადრე – ძილის დროს გამოყოფილი მელატონინი ეხმარება ორგანიზმს აღდგენაში და ასევე ნორმაში მოჰყავს სისხლის წნევა;
გაღვიძებისას კი (განსაკუთრებით ჰიპერტონიკები) არ უნდა წამოდგეთ საწოლიდან მკვეთრად;
კარგია კონტრასტული შხაპის მიღება – ოღონდ მხოლოდ იმ შემთხვევაში, თუ ამას თქვენი ჯანმრთელობისთვის უკუჩვენება არ აქვს;
დღის განმავლობაში ერთხელ მაინც უნდა გაისეირნოთ ჰაერზე, ან, უკიდურეს შემთხვევაში, რამდენჯერმე გაანიავოთ ოთახი – სუფთა ჰაერი დადებითად მოქმედებს გულ-სისხლძარღვთა სისტემაზე;
არ არის რეკომენდებული ალკოჰოლური სასმელებისა და ყავის მიღება, ასევე თამბაქოს მოწევა;
საუკეთესო მენიუ ასეთ დღეებში არის ხილი, ბოსტნეული, ფაფები, ქათმის მოხარშული ხორცი და თევზეული;
მიიღეთ ტკივილგამაყუჩებელი, დამამშვიდებელი და მატონიზირებელი პრეპარატები, რომლებიც ექიმის მიერ გაქვთ დანიშნული;
ნერვული აშლილობისას საუკეთესოა ნატურალური დამამშვიდებელი საშუალებების მიღება – კატაბალახას (ვალერიანი), ბარამბოსა თუ შავბალახას ნახარში ან ნაყენი;
კარგი იქნება, თუ სტრესს თავს აარიდებთ და სხვა დროისთვის გადადებთ მნიშვნელოვანი საკითხების გადაჭრას.
ასევე დაგაინტერესებთ👇
🔵„მთელ რიგ ქვეყნებში სიკვდილიანობის შემთხვევების ზრდა აღინიშნება“ - თენგიზ ცერცვაძე
წყარო: sputnik-georgia.com
