სასამართლომ 26 წლის წარმოშობით რუმინელ გაბრიელ რობერტ მარინკატს სამუდამო პატიმრობა მიუსაჯა. კაცს მეგობარი ქალის 18 თვის შვილის, შარონ ბარნის სასტიკად მოპყრობასა და მკვლელობაში ედება ბრალი.
ტრაგედია იტალიაში, კომოში მიმდინარე წლის 11 იანვარს მოხდა, როდესაც ქალმა მარინკატს ბავშვი დროებით დაუტოვა, რადგან თავად სამსახურში უნდა წასულიყო.
როდესაც პატარას ცხედარი აღმოაჩინეს, მამაკაცმა თავი იმართლა, რომ უბედური შემთხვევა მოხდა და ბავშვს გამათბობელი დაეცა, მაგრამ ექსპერტიზამ დაასკვნა, რომ ბავშვი გარდაცვალებამდე სასტიკად ნაცემი და ნაწამები იყო.
გარდა სამუდამო პატიმრობისა, ბრალდებულს ბავშვის დედისთვის 200 000 ევროს, ხოლო მამისთვის 50 000 ევროს გადახდა მოუწევს, კომპენსაციის სახით. დაცვის მხარემ, სასამართლომდე, ფსიქიატრის კონსულტაცია მოითხოვა, რაც სასამართლომ არ გაითვალისწინა.
ასევე დაგაინტერესებთ👇
წყარო: exclusivetv.ge
