ექიმი გიორგი ღოღობერიძე სოციალურ ქსელში აქვეყნებს ვიდეოს, სადაც დედის ნერწყვით საწოვარას გაწმდენის შესახებ საუბრობს.
„ალბათ, ბევრს გინახავთ, როდესაც ბავშვს დაუვარდებოდა საწოვარა, დედა პირში ჩაიდებდა, გაწმენნდა და მერე დაუბრუნებდა ახალშობილს. ეს ქცევა რეკომენდებული არ არის. ძირს დავარდნილია, ბინძურია, ის დედამაც უნდა ჩაიდოს პირში და საკუთარ თავსაც საფრთხეში იგდებს და არ არის ეს სწორი. თავიდან ეგონათ, რომ ეს იყო მავნე, მაგრამ შვედებმა შეისწავლეს და ნახეს, რომ დედის ნერწყვი, როდესაც ხვდება ახალშობილის პირის ღრუში, მისთვის ძალიან სერიოზული სარგებლის მომტანია. და რანაირად? დედის ნერწყვი შეიცავს უამრავ ლიზოციმს , რომელიც ბაქტერიებს შლის, უამრავ ლაქტოფენს, რომელიც ბაქტერიებს რკინას ართმევს, რომ არ გამრავლდნენ, უამარავ ანტისხეულს, რომელიც შლის პირის ღრუში ბაქტერიების გამრავლების უნარს. დედის ნერწყვი იცავს ახალშობილის პირის ღრუს ინფექციისგან.
ასევეა დედის რძე, მასში იმდენი ანტისხეულია, იმდენი დამცველობითი ცილა არის, რომ ბავშვი 6 თვე გარანტირებულად დაცულია უამრავი ინფექციისგან. საწოვარას თემას რომ დავუბრუნდეთ, ამბობენ, რომ შეიძლება, ამან პოტენციურად შეუმციროს ახალშობილს ალერგიული დაავადების განვითარების რისკი შემდეგში - ბრონქული ასთმა, ეგზემა, ატოპიური დერმატიტი და სხვა,“ - აღნიშნავს გიორგი ღოღობერიძე.
🔴აგრეთვე დაგაინტერესებთ:
რა გართულება შეიძლება გამოიწვიოს ბავშვობაში მიღებულმა მზის დამწვრობამ
ფრთხილად! თუ თქვენ ეს სიმპტომები გაქვთ, შესაძლოა, დელტა შტამით ხართ ინფიცირებული
„ინფორმაცია მათთვის, ვინც ფიქრობს, რომ შეზღუდვები და ვაქცინაცია ვერ მუშაობს“ - ზაზა წერეთელი
