1983 წლის ზაფხულს ლიტვაში უბედური შემთხვევა მოხდა. ვიტაუტას პრასციავიჩუსმა ტრაქტორს საკრეჭი მიაბა, მოტორი დაქოქა და სწორედ ამ დროს უბედური შემთხვევა მოხდა და ტრაქტორისტის 3 წლის შვილის ორივე ფეხი მინდორში მოიფანტა.
ოპერაციაზე ახალგაზრდა ქართველი ექიმი ქირურგი რამაზ დათიაშვილი გამპოიძახეს. იქამდე ასეთი ოერაცია არავის ჩაუტარებია, ხელმძღვანელობა არც მას ანებებდა ოპერაციის ჩატრებას, მაგრამ სასწაული მოხდა...
„უფროსობა არ მაძლევდა თანხმობას, არავის გაუკეთებია აქამდე ასეთი ოპერაციაო, მეუბნებოდნენ. 12 საათი იყო ტრაგიკული ინციდენტიდან გასული. როგორც იქნა, მოიყვანეს პაციენტი. ვყვიროდი, ფეხები სადაა-მეთქი. ფეხები გაყინული იყო. ერთი ამოსუნთქვით ჩავატარე ოპერაცია. არტერიას არტერიას ვაკერებდი, ნერვს, კუნთს“ - იხსენებს დათიაშვილი.
ოპერაციის დაწყებიდან 9 საათში, ბოლო ნაკერის დადებისას, პატარა ფეხები ქირურგის ხელში გათბა.
„ვამაყობ, რომ შევძელი ამ მისიის შერულება“ - თქვა ექიმმა.
ამ შემთხვევის დროს რასიტა 3 წლის იყო, მან ოპერაციის შემდეგ 10 წელი გაატარა საავადმყოფოებსა და სანატორიუმებში, ის ყველას შვილი გახდა. მას მთელი საბჭოთა კავშირი გულშემატკივრობდა. ხალხის რწმენამ - რომ ყველაფერი კარგად იქნება - შედეგი გამოიღო რასიტას ორივე კიდური შეუნარჩუნდა. ძალიან რომ არ დააკვირდე, ვერც შენიშნავ, რომ გოგონა ცოტათი კოჭლობს.
... ექიმი დათიაშვილი კი მუდმივად ფიქრობდა პატარა გოგონაზე, რომელსაც უნიკალური ოპერაცია გაუკეთა.
„ტელევიზიამ შეხვედრა მოგვიწყო. ძალიან ვნერვიულობდი. ვიჯექი კულისებში და ველოდი როდის მიხმობდნენ მასთან. ვიცდიდი და ვკანკალებდი. არ ვიცოდი, როგორ გამოიყურებდა, როგორ დადიოდა“ - იხსენებდა ქართველი ექიმი ერთ-ერთ ინტერვიუში.
⚪აგრეთვე დაგაინტერესებთ:
მეკვლედ მილიციაში, აკაკის ცხენი და დიუმას სიგელი
ტირანზე შეყვარებული ქალები - ვინ იყო სტალინის უცნობი საყვარელი?
⚪საინტერესო ამბები:
ზურგდაკემსილ ილიკოს ყველას ჯიბრზე გავყევი - რამიშვილი
უკანონო შვილი და ცხოვრების სიყვარული - ეკა ბესელიას პირადი
რას წერდნენ ახალ წელზე ქართველი მწერლები
