მიხეილ სააკაშვილის დედა გიული ალასანია გორის სამხედრო ჰოსპიტალში შვილის მონახულების შემდეგ ჟურნალისტებთან ისაუბრა.
მისი თქმით, ექსპრეზიდენტს სხვა ქვეყანაში გადაყვანის ინიციატივაზე უარყოფითი რეაქცია ჰქონდა.
„ინტერესის გათვალისწინებით, მე გავბედე და ვკითხე, უკრაინაში დაბრუნებაზე და მივიღე ისეთი რისხვა - შენ მე ვინ გგონივარ, მე ჩემს ქვეყანაში ჩამოვედიო, მოკლედ ძალიან არ მოეწონა და ამაზე ხმა აღარ ამომიღია. აქვს თავის ტკივილები, ძილი თითქმის არ აქვს, ასევე აქვს საშინელი კუნთების ტკივილი, არის ნერვოლოგიური სიმპტომები. მე რაც დავინახე, მაინც ურჩევნია, რომ იწვეს. რეაბილიტაცია მე აღარ მიხსენებია, მაგრამ ეს ჩემი სურვილია. ძალიან ძნელია მისთვის გამოკეტილ მდგომარეობაში ყოფნა. საქართველოს ხელისუფლებას მივმართავდი, რომ გაუშვან, რისთვის ჰყავთ გამოკეტილი, ყველა დანაშაული გამოგონილია, ეს როდემდე უნდა გაგრძელდეს“, - განაცხადა გიული ალასანიამ.
ასევე დაგაინტერესებთ👇
